ក្រុមហ៊ុន Microsoft បានប្រកាសថា ប្រព័ន្ធដំណើរការ Windows 10 នឹងត្រូវបានដាក់ឲ្យដំណើរការទូទាំងពិភពលោកនៅថ្ងៃទី២៩ ខែកក្កដា ឆ្នាំ២០១៥ ដោយអ្នកប្រើប្រាស់ ប្រព័ន្ធដំណើរ Windows ចុងក្រោយបំផុត អាចធ្វើការតម្លើង Version ថ្មីនេះដោយឥតគិតថ្លៃ។

ជាមួយគ្នានោះ Touch-Friendly Windows 10 ដែលផ្តល់លក្ខណៈពិសេសក្នុងការផ្លាស់ប្តូរ ត្រឡប់ទៅមកនៃ Start Menu និងអាចដំណើរការបានលើគ្រប់ប្រភេទកុំព្យូទ័រ, Tablets និង Smartphones នោះបានក្លាយជាគោលដៅចុងក្រោយមួយក្នុងការទទួលបានប្រជាប្រិយភាព។

ប្រព័ន្ធដំណើរការនេះនឹងផ្តល់ជូនការតម្លើង Version ដោយឥតគិតថ្លៃចំពោះអ្នកកំពុងប្រើប្រាស់ ប្រព័ន្ធដំណើរការ Window 7 និង Window 8.1 ដោយការផ្តល់ជូននេះមាន គោលបំណងពង្រីកទីផ្សារអ្នកប្រើប្រាស់អោយបានកាន់តែច្រើន។

ក្រុមហ៊ុន Microsoft ក៏បានបញ្ជាក់ថែមទៀតថា កុំព្យូទ័រ និង Tablets ស៊េរីថ្មីដែលដំណើរការ ដោយ Window 10 នឹងត្រូវបានដាក់លក់នៅថ្ងៃទី២៩ ខែកក្កដា នោះផងដែរ ដោយឡែក ប្រព័ន្ធ ដំណើរការ Window 10 សម្រាប់ដំណើរការលើឧបករណ៍ដទៃនឹងត្រូវបានដាក់អោយប្រើប្រាស់ តាមក្រោយ៕