ការលក់ទូរស័ព្ទស្មាតហ្វូនរបស់ប្រទេសចិន នឹងកើនឡើងទៅដល់កន្លះពាន់លានគ្រឿង នៅឆ្នាំ២០១៧​ ខណៈដែលប្រទេសឥណ្ឌានឹងក្លាយជាទីផ្សារលក់ទូរស័ព្ទស្មាតហ្វូនធំបំផុតទីពីររបស់ពិភពលោក

ប្រទេសឥណ្ឌានឹងវ៉ាដាច់សហរដ្ឋអាមេរិក ដែលនឹងក្លាយជាប្រទេសទីផ្សារទូរស័ព្ទស្មាតហ្វូនធំបំផុតទីពីររបស់ពិភព លោកក្នុងរយៈពេលបីឆ្នាំខាងមុខនេះ។ ប៉ុន្តែប្រទេសទាំងពីរនេះនឹងនៅតែដើរមិនទាន់ប្រទេសចិនដែលត្រូវបានគេ ព្យាករណ៍ថា នឹងលក់ទូរស័ព្ទស្មាតហ្វូនបានជាងកន្លះពាន់លានគ្រឿងនៅក្នុងឆ្នាំ២០១៧។

កាលពីឆ្នាំមុនប្រទេសចិន ឥណ្ឌា និងសហរដ្ឋអាមេរិក បានលក់ទូរស័ព្ទស្មាតហ្វូនស្មើនឹង ៥១% នៃការលក់ទូរស័ព្ទ ស្មាតហ្វូនសរុបទូទាំងពិភពលោក នេះបើតាមតួលេខថ្មី ដែលចេញផ្សាយដោយក្រុមហ៊ុន Strategy Analytics កាលពីថ្ងៃពុធ។ ក្រុមហ៊ុន Strategy Analytics បានព្យាករណ៍ថា ប្រទេសទាំងបីនេះនឹងនៅតែរក្សាកំណើនការលក់របស់ខ្លួនក្នុងរង្វង់ ៥០% នៃការលក់សរុបក្នុងពិភពលោកដដែលនៅឆ្នាំ២០១៧។

អ្នកវិភាគបានព្យាករណ៍ថា ប្រទេសចិននឹងក្លាយជាជើងឯកក្នុងការលក់ទូរស័ព្ទស្មាតហ្វូនបាន ៤៥៨ លានគ្រឿង នៅក្នុងឆ្នាំនេះ ហើយនឹងកើនឡើងរហូតដល់ ៥០៥ លានគ្រឿង នៅឆ្នាំ២០១៧។

អ្នកស្រី Linda Sui នាយកក្រុមហ៊ុន Strategy Analytics បានឲ្យដឹងថា ប្រទេសចិនបានក្លាយជាក្បាលម៉ាស៊ីន នៃកំណើនទូរស័ព្ទស្មាតហ្វូននៅទូទាំងសកលលោកក្នុងប៉ុន្មានឆ្នាំនេះ ប៉ុន្តែឥឡូវនេះការផលិតរបស់ប្រទេសចិន មានការថយចុះ និងមានភាពយឺតយ៉ាវ។ អ្នកស្រីបានបន្ថែមទៀតថា ប្រទេសឥណ្ឌានឹងក្លាយជាប្រទេសដែលមានការរីកចម្រើនខ្លាំងក្នុងវិស័យផលិតទូរស័ព្ទស្មាតហ្វូននាពេលខាងមុខ។

ជាការពិតណាស់កំណើននៅក្នុងប្រទេសចិននឹងថយចុះមកនៅតែ ៣% ក្នុងឆ្នាំ២០១៧ ខណៈដែលប្រទេសឥណ្ឌាត្រូវបានព្យាករណ៍ថា នឹងមានកំណើនរហូតដល់ ១៧% ក្នុងឆ្នាំ២០១៧ ដែលនឹងធ្វើឱ្យឥណ្ឌាដណ្តើមយកចំណាត់ថ្នាក់លេខពីរ ពីសហរដ្ឋអាមេរិកដែលមានកំណើននៃការលក់ទូរស័ព្ទស្មាតហ្វូនត្រឹមតែ ១% នៅឆ្នាំ២០១៧។ បើធ្វើការប្រៀបធៀប នាឆ្នាំ២០១៧ខាងមុខ នឹងមានទូរស័ព្ទស្មាតហ្វូនចំនួន ១៧៩ លានគ្រឿង ត្រូវបានចេញលក់ចេញនៅប្រទេសឥណ្ឌា ខណៈដែលមានត្រឹមតែ ១៦៩ លានគ្រឿងប៉ុណ្ណោះ ត្រូវបានលក់ចេញនៅសហរដ្ឋអាមេរិក។

លោកស្រី Dalin Sui បានមានប្រសាសន៍ថា កំណើននៅឥណ្ឌាបាន និងកំពុងត្រូវបានជម្រុញដោយការប្រើប្រាស់ទូរស័ព្ទស្មាតហ្វូនដែលនៅមានកំរិតកម្រិតទាប, ការពង្រឹងការលក់រាយនូវឧបករណ៍អេឡិចត្រូនិច, អ្នកប្រើប្រាស់ថ្នាក់កណ្តាលដែលមានជីវភាពធូរធាជាងមុន និងការផ្សព្វផ្សាយដ៏សាហាវពីសំណាក់ក្រុមហ៊ុនទូរស័ព្ទស្មាតហ្វូនក្នុងស្រុក ដូចជា Micromax ជាដើម។

លោក Woody Oh ជានាយកក្រុមហ៊ុន Strategy Analytics ផងដែរនោះ បាននិយាយថា នាពេលបច្ចុប្បន្ននេះ គ្មានតួអង្គ Hardware និង Software លំដាប់ថ្នាក់ពិភពលោកណាមួយហ៊ានមិនអើពើចំពោះទីផ្សារទូរស័ព្ទស្មាតហ្វូន​ដ៏ធំនៅប្រទេសឥណ្ឌាឡើយ។ ក្រុមហ៊ុននេះបានព្យាករណ៍ថា ក្នុងឆ្នាំនេះទូរស័ព្ទស្មាតហ្វូនចំនួន ១១៨ លានគ្រឿង នឹងត្រូវបានលក់ក្នុងប្រទេសឥណ្ឌា គឺកើនឡើងប្រហែល ៨២ លានគ្រឿង បើធៀបទៅនឹងឆ្នាំកន្លងមុន។

ឆ្នាំ២០១៥នេះ ការលក់ទូរស័ព្ទស្មាតហ្វូនទូទាំងពិភពលោក នឹងមានចំនួន ១,៤៧ ពាន់លានគ្រឿង កើនឡើង ១៦% បើធៀបនឹងឆ្នាំ២០១៤ ហើយនៅឆ្នាំ២០១៧ ការលក់ទូរស័ព្ទស្មាតហ្វូននឹងឈានដល់ ១,៦៧ ពាន់លានគ្រឿង៕

ប្រភព៖ http://www.totaltele.com/view.aspx?ID=490435


ការកំណត់សោរពីរ (2FA) ជាន់នៅលើហ្វេសប៊ុក ដើម្បីការពារ​មិន​ឲ្យ​អ្នក​ដទៃ​អាច​ចូលទៅ​កាន់​គណនីហ្វេសប៊ុក​យើងបាន​

តើត្រូវ​ធ្វើ​ដូចម្តេច​ដើម្បី​ស្រោចស្រង់​គណនី​ហ្វេសប៊ុក​ដែល​ត្រូវ​បាន​គេ​លួច​យក​មក​វិញ?​​

ស្វែងយល់អំពីគន្លឹះសន្តិសុខ និង​ឯកជន​ភាព​ក្នុង​ការ​ប្រើប្រាស់បណ្តាញ​ទំនាក់​ទំនង​ព័ត៌មាន​សង្គម​​ហ្វេសប៊ុក​

លោក Mark Zuckerberg ៖ នៅក្នុងការធើ្វដំណើរឆ្ពោះទៅកាន់ការតភ្ជាប់ជាសកលរបស់ពួកយើង, ថ្ងៃនេះខ្ញុំសូមប្រកាសប្រព័ន្ធ OpenCelcular, ដែលជាប្រព័ន្ធបណ្តាញគ្មានខ្សែដែលអាចនាំការតភ្ជាប់ទៅកាន់តំបន់ដាច់ស្រយាលបាន។​

សេវាប្រៃសណីយ៍តាមប្រព័ន្ធអេឡិចត្រូនិច​

| ថ្ងៃ ចន្ទ ទី ០៦ ខែ កក្កដា ឆ្នាំ ២០១៥

ចំនួនអ្នកអាន 3129

បណ្ណាល័យព័ត៌មាន
អំពីមន្ទីរខេត្តកោះកុង

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តបន្ទាយមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកណ្តាល

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកំពង់ធំ 

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តឧត្តរមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥