ឯកឧត្តម​រដ្ឋលេខាធិការ​ ​សុខ​ ​ពុទ្ធិ​វុ​ធ​ ​បាន​អញ្ជើញ​ដឹកនាំ​កិច្ចប្រជុំ​ពិភាក្សា​លើ​សេចក្តីព្រាង​ផែនទី​បង្ហាញ​ផ្លូវ​បច្ចេកវិទ្យា​ទូរគមនាគមន៍​ជំនាន់​ទី​៥​(5​G​)

​រាជធានី​ភ្នំពេញ​៖​ ​រសៀល​ថ្ងៃអង្គារ​ ​១​០​រោច​ ​ខែ​មាឃ​ ​ឆ្នាំ​កុរ​ ​ឯកស័ក​ ​ព​.​ស​.​២​៥​៦​៣​ ​ត្រូវនឹង​ថ្ងៃ​ទី​១​៨​ ​ខែកុម្ភៈ​ ​ឆ្នាំ​២​០​២​០​ ​នៅ​ទីស្តីការ​ក្រសួង​ ​ឯកឧត្តម​ ​សុខ​ ​ពុទ្ធិ​វុ​ធ​ ​រដ្ឋលេខាធិការ​ក្រសួងប្រៃសណីយ៍និងទូរគមនាគមន៍​ ​និង​ជា​ប្រធាន​ក្រុម​ការងារ​បច្ចេកវិទ្យា​ទូរគមនាគមន៍​ជំនាន់​ទី​៥​(5​G​) ​បាន​អញ្ជើញ​ដឹកនាំ​កិច្ចប្រជុំ​ពិភាក្សា​លើ​សេចក្តីព្រាង​ផែនទី​បង្ហាញ​ផ្លូវ​បច្ចេកវិទ្យា​ទូរគមនាគមន៍​ជំនាន់​ទី​៥​(5​G​) ​ជាមួយ​ក្រុម​ការងារ​ ​ដែល​មាន​សមាសភាព​ពី​ក្រសួង​ពាក់ព័ន្ធ​ ​និង​អគ្គនាយកដ្ឋាន​ជំនាញ​ផង​ដែរ​។​

​កិច្ចប្រជុំ​ពិភាក្សា​នេះ​មាន​គោលបំណង​ ​ស្វែងរក​ធាតុ​ចូល​បន្ថែម​ក្នុង​ការ​រៀបចំសេចក្តី​ព្រាង​ផែនទី​បង្ហាញ​ផ្លូវ​សម្រាប់​ដាក់​ឱ្យ​ដំណើរការ​បច្ចេកវិទ្យា​ទូរគមនាគមន៍​ជំនាន់​ទី​៥​(5​G​)​ក្នុង​ព្រះរាជាណាចក្រកម្ពុជា​ ​ដែល​ផ្តល់​សារៈសំខាន់​ដល់​ការ​គាំទ្រ​ឧត្តម​ន​វា​នុ​វត្ត​ន៍ ​បច្ចេកវិទ្យា​ពពក​ ​បញ្ញា​សិប្បនិម្មិត​ ​ការ​វិភាគ​ទិន្នន័យ​ខ្នាត​ធំ​ ​ការ​បង្កើន​ផលិតភាព​ ​និង​ការប្រកួតប្រជែង​លើឆាកអន្តរជាតិ​ ​សំដៅ​រួមចំណែក​អភិវឌ្ឍន៍​សេដ្ឋកិច្ច​សង្គម​ឌី​ជី​ថល​។​

​នា​ឱកាស​នោះ​ដែរ​ ​ឯកឧត្តម​រដ្ឋលេខាធិការ​ ​សុខ​ ​ពុទ្ធិ​វុ​ធ​ ​បាន​មានប្រសាសន៍ថា​ ​បច្ចេកវិទ្យា​5​G​ ​គឺ​អាច​ផ្លាស់ប្តូរ​វាសនា​ប្រទេសជាតិ​យើង​ ​ព្រោះ​បច្ចេកវិទ្យា​នេះ​នឹង​ជួយ​ដល់​ការ​ស្រូប​យក​អត្ថប្រយោជន៍​នៃ​បដិវត្តន៍​ឧស្សាហកម្ម​ជំនាន់​ទី​៤​ ​ដើម្បី​ជ​ម្រុ​ញ​ការ​អភិវឌ្ឍ​សេដ្ឋកិច្ច​ឌី​ជី​ថល​ ​និង​លើកស្ទួយជីវភាព​ប្រជាពលរដ្ឋ​ស្របតាម​ចក្ខុវិស័យ​របស់​រាជរដ្ឋាភិបាល​។​ ​បច្ចេកវិទ្យា​5​G​ ​គឺជា​បច្ចេកវិទ្យា​ស្នូល​ ​សម្រាប់​ការ​ធ្វើ​ឌី​ជី​ថល​នៅ​កម្ពុជា​។​

​ឯកឧត្តម​រ​ដ្ឋេ​ល​ខាធិ​ការ​ ​បាន​បន្ថែម​ទៀត​ថា​ ​ក្រុម​ការងារ​របស់យើង​បាន​ទៅ​សិក្សា​ពី​បទពិសោធន៍​ពី​ការរៀបចំ​ផែនទី​បង្ហាញ​ផ្លូវ​នេះ​ពី​សាធារណរដ្ឋ​កូរ៉េ​ ​សាធារណរដ្ឋប្រជាមានិត​ចិន​ ​និង​បណ្តា​ប្រទេស​អា​ស៊ាន​មួយ​ចំនួន​ផង​ដែរ​ ​ដើម្បី​សិក្សា​ពី​ការ​រៀបចំផែនការ​សម្រាប់​បច្ចេកវិទ្យា​5​G​ ​ដែល​នឹង​មកដល់​នា​ពេល​ឆាប់ៗ​ខាងមុខ​។​ ​ឯកឧត្តម​បាន​លើកឡើង​ថា​ ​យើង​ត្រូវ​កំណត់​ទិសដៅ​មួយ​អោយ​បាន​ច្បាស់លាស់​សម្រាប់​ការ​អភិវឌ្ឍ​បច្ចេកវិទ្យា​5​G​ ​ដោយ​រាប់ទាំង​ការ​ធ្វើ​បទដ្ឋាន​គតិយុត្ត​ ​ការបែងចែក​ធនធាន​ហ្វ្រេ​កង់​ស៍​វិទ្យុ​ ​ការរៀបចំ​គោល​នយោបាយ​ ​និង​ការ​អនុវត្ត​ផង​ដែរ​។​ ​ប្រទេសជិតខាង​យើង​បាន​ចាប់ផ្តើម​ដល់​ការ​ដាក់ដេញថ្លៃ​ ​ដែល​ផ្តល់​ចំណូល​មួយ​ចំនួន​ធំ​ដល់​ថវិកា​រដ្ឋ​។​ ​ព្រះរាជាណាចក្រកម្ពុជា​ ​ក៏​ត្រូវ​សិក្សា​ផង​ដែរ​តើ​យើង​ត្រូវ​ដេញថ្លៃ​ ​ក្នុង​ទម្រង់​យ៉ាងណា​មួយ​ ​ដែល​អាច​អោយ​ដំណើរការ​បាន​រលូន​ ​ដើម្បី​ធានា​ការ​អភិវឌ្ឍ​ហេ​ដ្ឋា​រចនា​ស​ម្ព័ន្ធ ​និង​តម្លៃ​សមរម្យ​ ​សម្រាប់​អ្នកប្រើប្រាស់​។​

​កិច្ចប្រជុំ​បាន​ប្រមូល​ធាតុ​ចូល​ផ្សេងៗ​ពី​អ្នកជំនាញ​ដែល​មកពី​អគ្គនាយកដ្ឋាន​ចំណុះ​ក្រសួងប្រៃសណីយ៍និងទូរគមនាគមន៍​ ​និយ័ត​ករ​ទូរគមនាគមន៍​កម្ពុជា​ ​ក្រសួង​ស្ថាប័ន​ពាក់ព័ន្ធ​ ​ដើម្បី​តាក់តែង​ផែនទី​បង្ហាញ​ផ្លូវ​នេះ​ ​អោយ​ស្រប​នឹង​គោល​នយោបាយ​ ​និង​ស្ថានភាព​ជាក់ស្តែង​នៅ​ក្នុង​ទី​ផ្សារ​ផង​ដែរ​។​ ​នៅ​ពេល​ខាងមុខនេះ​ ​ក្រុម​ការងារ​នឹង​យក​នូវ​ពង្រាង​ផែនទី​បង្ហាញ​ផ្លូវ​នេះ​ ​ពិភាក្សា​ជាមួយ​ប្រតិបត្តិ​ករ​ ​និង​ភាគី​ពាក់ព័ន្ធ​ដទៃទៀត​ ​ដើម្បី​ប្រមូល​ធាតុ​ចូល​ពី​វិ​ស័យ​ឯកជន​ផង​ដែរ​៕



​ឯកឧត្តម​រដ្ឋលេខាធិការ​ ​កា​ន​ ​ច័ន្ទ​មេត្តា​ ​បាន​ដឹកនាំ​កិច្ចប្រជុំ​ពិគ្រោះ​យោបល់​អំពី​ ​e​-​Learning​ ​platform​​

​​ឯកឧត្តម​រដ្ឋលេខាធិការ​ ​កា​ន​ ​ច័ន្ទ​មេត្តា​ ​បាន​ដឹកនាំ​កិច្ចប្រជុំ​ពិគ្រោះ​យោបល់​អំពី​ ​e​-​Learning​ ​platform​

​លោកជំទាវ​អនុរដ្ឋលេខាធិការ​ ​ទេព​ រ៉ូ​ដា​ ​បាន​អញ្ជើញ​ដឹកនាំ​កិច្ចប្រជុំ​ក្រុម​ការងារ​រៀបចំ​លិខិត​បទដ្ឋាន​គ្រប់គ្រង​គុណភាព​សេវា​ប្រៃសណីយ៍​​

​​លោកជំទាវ​អនុរដ្ឋលេខាធិការ​ ​ទេព​ រ៉ូ​ដា​ ​បាន​អញ្ជើញ​ដឹកនាំ​កិច្ចប្រជុំ​ក្រុម​ការងារ​រៀបចំ​លិខិត​បទដ្ឋាន​គ្រប់គ្រង​គុណភាព​សេវា​ប្រៃសណីយ៍​

កិច្ចប្រជុំអំពីការងារបច្ចេកទេសសិក្សាស្រាវជ្រាវអំពីយន្តការគ្រប់គ្រង និងដំណើរការមជ្ឈមណ្ឌលជាតិចុះបញ្ជីអុីនធឺណិត​

​កិច្ចប្រជុំអំពីការងារបច្ចេកទេសសិក្សាស្រាវជ្រាវអំពីយន្តការគ្រប់គ្រង និងដំណើរការមជ្ឈមណ្ឌលជាតិចុះបញ្ជីអុីនធឺណិត

​កិច្ចប្រជុំ​ក្រុម​ការងារ​រៀបចំផែនការ​យុទ្ធសាស្ត្រ​ថវិកា​ឆ្នាំ​២​០​២​១​-​២​០​២​៣​ ​និង​គម្រោង​ថវិកា​ឆ្នាំ​២​០​២​១​ ​របស់​​​ក្រសួងប្រៃសណីយ៍និងទូរគមនាគមន៍​​

​​កិច្ចប្រជុំ​ក្រុម​ការងារ​រៀបចំផែនការ​យុទ្ធសាស្ត្រ​ថវិកា​ឆ្នាំ​២​០​២​១​-​២​០​២​៣​ ​និង​គម្រោង​ថវិកា​ឆ្នាំ​២​០​២​១​ ​របស់​​​ក្រសួងប្រៃសណីយ៍និងទូរគមនាគមន៍​

​កិច្ចប្រជុំ​ពិភាក្សា​ ​លើ​សេចក្តីព្រាង​អនុក្រឹត្យ​ស្តីពី​ ​ការរៀបចំ​ ​ការ​គ្រប់គ្រង​ ​និង​ការបែងចែក​វិសាលគម​ន៍ហ្វ្រេ​កង់​ស៍​វិទ្យុ​​

​​កិច្ចប្រជុំ​ពិភាក្សា​ ​លើ​សេចក្តីព្រាង​អនុក្រឹត្យ​ស្តីពី​ ​ការរៀបចំ​ ​ការ​គ្រប់គ្រង​ ​និង​ការបែងចែក​វិសាលគម​ន៍ហ្វ្រេ​កង់​ស៍​វិទ្យុ​

Semtararath | ថ្ងៃ អង្គារ ទី ១៨ ខែ កុម្ភៈ ឆ្នាំ ២០២០

ចំនួនអ្នកអាន 5607

បណ្ណាល័យព័ត៌មាន
អំពីមន្ទីរខេត្តកោះកុង

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកណ្តាល

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តបន្ទាយមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកំពង់ធំ 

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តឧត្តរមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥