ឯកឧត្តមរដ្ឋមន្ត្រី ប្រាក់ សុខុន និងលោកជំទាវ ដឹកនាំគណៈប្រតិភូក្រសួងប្រៃសណីយ៍ និងទូរគមនាគមន៍ អញ្ជើញចូលរួមគោរពវិញ្ញាណក្ខន្ធសពឯកឧត្តម សូរ ឃុន
នៅព្រឹកថ្ងៃទី២៤ ខែមករា ឆ្នាំ២០១៥ ប្រតិភូក្រសួងប្រៃសណីយ៍ និងទូរគមនាគមន៍ ដឹកនាំដោយ ឯកឧត្តមរដ្ឋមន្ត្រី ប្រាក់ សុខុន បានអញ្ជើញទៅគោរពវិញ្ញាណក្ខន្ធ សពឯកឧត្តម សូរ ឃុន អតីតរដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងជាអ្នកតំណាងរាស្ត្រមណ្ឌលតាកែវ នីតិកាលទី៥ នៃរដ្ឋសភា ដែលបានទទួលមរណភាព កាលពីថ្ងៃទី២១ ខែមករា ឆ្នាំ២០១៥ ក្នុងជន្មាយុ ៧១ ឆ្នាំ ដោយរោគាពាធ និងចូលរួមរំលែកទុក្ខដ៏ក្រៀមក្រំជាមួយនឹងក្រុមគ្រួសារនៃសព៕