ព្រឹកថ្ងៃព្រហស្បតិ៍ ១១រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣១ ខែមករា ឆ្នាំ២០១៩ នៅទីស្តីការក្រសួង ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំកិច្ចប្រជុំពិភាក្សាការងារគណៈកម្មការចងសម្ព័ន្ធមេត្រីភាពជាមួយកងពលតូចថ្មើរជើងលេខ៤១ ដែលបាននឹងកំពុងឈរជើងយ៉ាងរឹងមាំក្នុងភូមិសាស្ត្រស្រុកអន្លង់វែង ខេត្តឧត្ដរមានជ័យ។ កិច្ចប្រជុំមានការអញ្ជើញចូលរួមពីសំណាក់ ឯកឧត្ដម លោកជំទាវ លោក លោកស្រី ជាថ្នាក់ដឹកនាំ និងមន្រ្តីរាជការក្រសួងប្រៃសណីយ៍និងទូរគមនាគមន៍ ព្រមទាំងតំណាងប្រតិបត្តិករក្នុងវិស័យប្រៃសណីយ៍និងទូរគមនាគមន៍ផងដែរ។ គណៈកម្មការនេះត្រូវបានបង្កើតឡើងដើម្បីចូលរួមដោះស្រាយបញ្ហាប្រឈមរបស់កងពលតូចថ្មើរជើងលេខ៤១ រួមមាន៖
– សហការឱ្យបានជិតស្និទ្ធនឹងក្រុមហ៊ុនសុភក្តិនីកាអុីនវេសមេនគ្រុបខូ., អិលធីឌី (ចំការកៅស៊ូជុប) ក្នុងសកម្មភាពចងសម្ព័ន្ធមេត្រីភាព
– សហការសិក្សាលើគម្រោងអភិវឌ្ឍន៍ចំពោះបណ្តាវរសេនាតូចចំណុះឱ្យកងពលតូចថ្មើរជើងលេខ៤១
– សហការសិក្សាអំពីប្រភពខ្វះខាតលើជីវភាពរបស់បងប្អូនយុទ្ធជន និងគ្រួសារកងពលតូចថ្មើរជើងលេខ៤១
– កៀរគររកប្រភពឧបត្ថម្ភពីគ្រប់មជ្ឈដ្ឋាន និងសប្បុរសជននានា៕
– សហការសិក្សាលើគម្រោងអភិវឌ្ឍន៍ចំពោះបណ្តាវរសេនាតូចចំណុះឱ្យកងពលតូចថ្មើរជើងលេខ៤១
– សហការសិក្សាអំពីប្រភពខ្វះខាតលើជីវភាពរបស់បងប្អូនយុទ្ធជន និងគ្រួសារកងពលតូចថ្មើរជើងលេខ៤១
– កៀរគររកប្រភពឧបត្ថម្ភពីគ្រប់មជ្ឈដ្ឋាន និងសប្បុរសជននានា៕
ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍
