ដំណើរទស្សនកិច្ចនេះមានគោលបំណង៖
១‑ពង្រឹងចំណងសាមគ្គីភាព និងកិច្ចសហប្រតិបត្តិការទ្វេភាគីក្នុងវិស័យប្រៃសណីយ៍តាមរយៈការអនុវត្តខ្លឹមសារនៃអនុស្សរណៈដែលធ្លាប់ចុះរួមគ្នាក្នុងឆ្នាំ២០១៤ កន្លងមក។
២‑ផ្លាស់ប្តូរទស្សនកិច្ចសិក្សាស្វែងយល់អំពីដំណើការនៃការធ្វើរផែនការ និងការគ្រប់គ្រងអាជីវកម្មប្រៃសណីយ៍ ការរៀបចំបទដ្ឋានគតិយុត្តិ និងការរៀបចំគោលនយោបាយវិស័យប្រៃសណីយ៍ពាក់ព័ន្ធ។
ក្នុងអំឡុងដំណើរទស្សនកិច្ចនេះប្រតិភូក្រសួងប្រៃសណីយ៍ និងទូរគមនាគមន៍នឹងអញ្ជើញចូលជួបសម្តែងការគួរសម និងប្រជុំទ្វេភាគីជាមួយឯកឧត្តម MA Junsheng អគ្គនាយកការិយាល័យប្រៃសណីយ៍រដ្ឋ នៃសាធារណរដ្ឋប្រជាមានិតចិន និងជួបប្រជុំជាមួយ China Post Group។ ក្នុងនោះផងដែរក៏មានដំណើរទស្សនកិច្ចសិក្សាស្វែងយល់អំពីបច្ចេកវិទ្យាទំនើបនៅ Jianguomen Post Bureau, Hangzhou city (Alibaba) ជាអង្គភាពពាណិជ្ជកម្មដ៏ធំក្នុងប្រទេសចិន ពិសេសពាណិជ្ជកម្ម e-commerce ក្នុងវិស័យប្រៃសណីយ៍។