លោកជំទាវអនុរដ្ឋលេខាធិការបានពាំនាំ​នូវសេចក្តីនឹករលឹករបស់​ឯកឧត្ដម​រដ្ឋមន្រ្តី និង​បានសួរសុខទុក្ខ​​ទៅកាន់​មន្រ្តី​រាជការ​ និងនិយោជិក​ក្នុងមន្ទីរ ប.ទ ខេត្តទាំងពីរ និងបានធ្វើការ​ផ្សព្វផ្សាយ​ដល់​មន្រ្ដី​រាជការ​ និង​និយោជិក​ទាំងអស់ពីការ​ទប់ស្កាត់ ​និង​លុបបំបាត់​រូបភាព​អាសអាភាស ​និង​ព័ត៌មាន​អវិជ្ជមាន​ផ្សេងៗ​ដែលបាន​ផ្សព្វផ្សាយ​នៅ​ក្នុងបណ្តាញ​សង្គម​ និង​គេហទំព័រ​នានា​ដែលធ្វើឲ្យ​ប៉ះពាល់​ដល់​សីលធម៌​សង្គម​ តម្លៃ​ស្រី្ត​ និង​គ្រួសារ​ខ្មែរ ព្រមទាំងបានស្នើ​អោយ​មន្រ្ដី​រាជការ​ប្រើប្រាស់​ប្រព័ន្ធ​ផ្សព្វផ្សាយ​សង្គម​ប្រកបដោយ​សីលធម៌​ សុជីវធម៌​ និង​ឈ្លាសវៃ​ និងលើកទឹកចិត្ត​​អោយ​មន្រ្ដី​រាជការ​ និង​និយោជិក​នៅក្នុង​មន្ទីរ ប.ទ​ ​បន្តខិតខំ​យកចិត្តទុកដាក់​ធ្វើ​ការងារ​អោយ​មានប្រសិទ្ធភាព​បន្តទៀត។ ក្នុងឱកាសនោះ លោកជំទាវក៏បានសំណេះសំណាលជាមួយមន្ត្រីរាជការ និងនិយោជិកនៅក្នុងមន្ទីរផ្ដោតសំខាន់លើបញ្ហាប្រឈមក្នុងការបំពេញការងារប្រចាំថ្ងៃ និងទទួលបាននូវសំណូមពរមួយចំនួនដែលបានលើកឡើងដើម្បីពាំនាំព័ត៌មានទាំងអស់នេះជូនដល់ថ្នាក់ដឺកនាំក្រសួង និងឯកឧត្ដមរដ្ឋមន្ត្រី ដើម្បីស្វែងរកវិធានការ និងដំណោះស្រាយដើម្បីជាការលើកទឹកចិត្តដល់មន្ត្រីការ និយោជិកក្នុងមន្ទីរ ប.ទ ខេត្តទាំងពីរបំពេញការងាររបស់ខ្លួនឲ្យកាន់តែមានប្រសិទ្ធិភាពថែមទៀត៕