សិក្ខាសាលាថ្នាក់ជាតិ ស្តីពី “កាលានុវត្តភាព និងបញ្ហាប្រឈមនៃឌីជីថលឌីវីដិន(សុខដុមនីយកម្មហ្វ្រេកង់ស៍ 700 MHz)​នៅកម្ពុជា”

             នាឱកាសអញ្ជើញជាអធិបតីបើកសិក្ខាសាលាថ្នាក់ជាតិ ស្តីពី “កាលានុវត្តភាព និងបញ្ហាប្រឈមនៃឌីជីថលឌីវីដិន(សុខដុមនីយកម្មហ្វ្រេកង់ស៍ 700 MHz)នៅកម្ពុជា” ឯកឧត្តម ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានថ្លែងថា សិក្ខាសាលាថ្នាក់ជាតិដែលបានរៀបចំធ្វើឡើងនាពេលនេះ គឺពិតជាមានសារៈសំខាន់ និងចំពេលវេលា ដោយអនុញ្ញាតឲ្យយើងបានពិភាក្សាគ្នាអំពីកាលានុវត្តភាព និងបញ្ហាប្រឈមនានា ជុំវិញការធ្វើសុខដុមនីយកម្មហ្វ្រេកង់ស៍ 700 MHz នៅកម្ពុជា ឲ្យស្របគ្នាជាមួយនឹងហ្វ្រេកង់ស៍នៃបណ្តាប្រទេសនៅក្នុងតំបន់អាស៊ាន, អាស៊ីប៉ាស៊ីហ្វិក, និងសកលលោក ដើម្បីចូលរួមចំណែកអភិវឌ្ឍសេដ្ឋកិច្ច និងសង្គមកម្ពុជា។

            ឯកឧត្តមរដ្ឋមន្ត្រីថ្លែងបន្តថា ក្នុងរយៈពេល ២ ទសវត្សរ៍ចុងក្រោយនេះ យើងសង្កេតឃើញថា មនុស្សជាតិទាំងមូលបានទទួលភាពជោគជ័យយ៉ាងធំធេងក្នុងការនាំយកបច្ចេកវិទ្យាគមនាគមន៍ និងព័ត៌មាន(ICT) និងឧបករណ៍ចល័តភ្ជាប់អ៊ីនធឺណិត(mobile-cellular)មកប្រើប្រាស់សម្រាប់ធ្វើការប្រាស្រ័យទាក់ទងគ្នាជុំវិញពិភពលោក។ ជាក់ស្តែង ចំនួនការចុះបញ្ជីប្រើប្រាស់​ mobile-cellular គឺស្មើនឹងចំនួនប្រជាជនពិភពលោក ដែលសព្វថ្ងៃមានចំនួនជិត ៧ ពាន់លាននាក់ គិតត្រឹមឆ្នាំ២០១៤។ សម្រាប់កម្ពុជា​ ការចុះឈ្មោះប្រើប្រាស់ mobile-cellular បានឈានដល់ ១៣៩% នៅឆ្នាំ២០១៤ ឈរនៅលំដាប់ថ្នាក់លេខ ៣ ក្នុងអាស៊ាន បន្ទាប់ពីប្រទេសសិង្ហបុរី និងម៉ាឡេស៊ី។ ចំណែកការប្រើប្រាស់អ៊ីនធឺណិតគឺស្ថិតក្នុងរង្វង់ ៣០% ហើយចំនួននេះអាចនឹងកើនឡើងដល់ ៦៥% នៅឆ្នាំ២០២០ អាស្រ័យដោយតម្រូវការក្នុងការប្រាស្រ័យទាក់ទងគ្នា និងការចូលទៅប្រើប្រាស់ប្រភពទិន្នន័យ និងព័ត៌មាន មានការកើនឡើង ជាពិសេសក្នុងចំណោមយុវជន។

            អ្នកប្រើប្រាស់សេវាទូរគមនាគមន៍ក្នុងពិភពលោកបច្ចុប្បន្ន គឺនិយមប្រើប្រាស់មាតិកាឌីជីថល(digital content) និងការផ្ទុកទិន្នន័យលើ online ដែលហៅថា “big data ឬ internet of things”។ មាតិកាឌីជីថល និង “big data ឬ internet of things” អនុញ្ញាតឲ្យអ្នកប្រើប្រាស់កាន់តែងាយស្រួលក្នុងការប្រើប្រាស់ផលិតផល និងសេវាកម្មផ្សេងៗ ដែលផលិតករនិងអ្នកផ្តល់សេវា ផ្គត់ផ្គង់ជូន។ ទន្ទឹមគ្នានេះផលិតករ និងអ្នកផ្តល់សេវាទាំងឡាយ ក៏មានភាពងាយស្រួលក្នុងការកែលម្អ អភិវឌ្ឍ និងពង្រីកអាជីវកម្មរបស់ខ្លួនឲ្យកាន់តែមានប្រសិទ្ធភាព និងទំនើបផងដែរ។ យ៉ាងណាមិញ ដើម្បីឆ្លើយតបទៅនឹងនិន្នាការដ៏ទំនើបនិងជឿនលឿននេះ កម្ពុជាចាំបាច់ត្រូវធ្វើសុខដុមនីយកម្មហ្វ្រេកង់ស៍ 700 MHz។

            ឯកឧត្តមរដ្ឋមន្ត្រីបានថ្លែងសង្កត់ធ្ងន់ថា ផ្អែកលើកិច្ចខិតខំប្រឹងប្រែងដ៏ស្វាហាប់ ឯកឧត្តមមានជំនឿជឿជាក់យ៉ាងមុតមាំថា យើងនឹងអាចជំនះបានរាល់បញ្ហាប្រឈមទាំងឡាយ ហើយយើងនឹងបានរីករាយជាមួយនឹងការទទួលបាននូវអត្ថប្រយោជន៍ និងកាលានុវត្តភាពនៃការតភ្ជាប់តាមប្រព័ន្ធឌីជីហលដូចបានលើកឡើងខាងដើម។ យើងកំពុងតែចូលរួមក្នុងការរត់ប្រណាំងមួយដែលយើងមិនអាចបង្អន់ល្បឿនបាន ហើយយើងសង្ឃឹមជឿជាក់ថា តាមរយៈ​ការប្តេជ្ញាចិត្ត​ក្នុងការធ្វើសុខដុមនីយកម្មហ្វ្រេកង់ស៍ 700 MHz កម្ពុជានឹងទទួលបាននូវការរីកចម្រើន និងស្គាល់នូវវិបុលភាព។

            សិក្ខាសាលាថ្នាក់ជាតិនេះ ត្រូវបានរៀបចំធ្វើឡើងរយៈពេលពេញមួយថ្ងៃ ដោយក្រសួងប្រៃសណីយ៍ និងទូរគមនាគមន៍, ក្រសួងព័ត៌មាន និងសហការដោយសហភាពទូរគមនាគមន៍អន្តរជាតិ(ITU) និងសហការឧបត្ថម្ភដោយក្រុមហ៊ុន Huawei និងក្រុមហ៊ុន Smart Axiata នៅសណ្ឋាគារសូហ្វីតែលភ្នំពេញ កាលពីថ្ងៃទី២៧ ខែមេសា ឆ្នាំ២០១៥។ សមាសភាពចូលរួម៖ ​ឯកឧត្តម Francois RANCY ប្រធានការិយាល័យវិទ្យុគមនាគមន៍ នៃ ITU, ឯកឧត្តម Doan Quang Hoan អគ្គនាយកនៃអាជ្ញាធរជាតិគ្រប់គ្រងហ្វ្រេកង់ស៍វិទ្យុនៃក្រសួងព័ត៌មាន និងសារគមនាគមន៍ ប្រទេសវៀត  ណាម​, ថ្នាក់ដឹកនាំនិងមន្ត្រីរាជការនៃក្រសួងប្រៃសណីយ៍ និងទូរគមនាគមន៍, តំណាងមកពីក្រសួងព័ត៌មាន, ប្រតិបត្តិករទូរគមនាគមន៍, និងអាជីវករទូរគមនាគមន៍។ល


គោលនយោបាយអភិវឌ្ឍន៍វិស័យទូរគមនាគមន៍ បច្ចេកវិទ្យាគមនាគមន៍ និងព័ត៌មាន ( T-ICT Policy) ​

សិក្ខាសាលាស្តីអំពីរាជធានីភ្នំពេញ និងនគរូបនីយកម្ម​

សិក្ខាសាលាស្តីអំពីតួនាទីនិយ័តករទូរគមនាគមន៍កម្ពុជាដោយយោងតាមហេដ្ឋារចនាសម្ព័ន្ធរួម​

សិក្ខាសាលាស្តីអំពីហេដ្ឋារចនាសម្ព័ន្ធរួមក្នុងឧស្សាហកម្មទូរគមនាគមន៍​

គោលនយោបាយអភិវឌ្ឍន៍វិស័យទូរគមនាគមន៍ បច្ចេកវិទ្យាគមនាគមន៍ និងព័ត៌មាន ឆ្នាំ​ ២០២០​

administrator | ថ្ងៃ អង្គារ ទី ២៨ ខែ មេសា ឆ្នាំ ២០១៥

ចំនួនអ្នកអាន 4363

បណ្ណាល័យព័ត៌មាន
អំពីមន្ទីរខេត្តកោះកុង

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកណ្តាល

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តកំពង់ធំ 

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តបន្ទាយមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥

អំពីមន្ទីរខេត្តឧត្តរមានជ័យ

ថ្ងៃ សុក្រ ទី ១០ ខែ កក្កដា ឆ្នាំ ២០១៥

ផែនការមេរបស់ ICT កម្ពុជា ឆ្នាំ២០២០

ថ្ងៃ ចន្ទ ទី ១៤ ខែ តុលា ឆ្នាំ ២០១៩