ឯកឧត្តម ឯក វណ្ណឌី បានដឹកនាំគណៈប្រតិភូបន្តដំណើរទស្សនៈកិច្ចទៅមន្ទីរប្រៃសណីយ៍ចិននៅទីក្រុងណានជីង ខេត្តជៀងសូ
ទីក្រុងណានជីង៖ នាថ្ងៃទី២៥ ខែមេសា ឆ្នាំ២០១៧ គណៈប្រតិភូនៃក្រសួងប្រៃសណីយ៍ និងទូរគមនាគមន៍កម្ពុជា ដឹកនាំដោយឯកឧត្ដមរដ្ឋលេខាធិការ ឯក វណ្ណឌី បានបន្តដំណើរទៅទស្សនៈកិច្ចនៅមន្ទីរប្រៃសណីយ៍ចិន នៅទីក្រុងណានជីង ខេត្តជៀងសូ ដើម្បីពិនិត្យសកម្មភាពការងារតាមបណ្តាខេត្តក្នុងគោលបំណងដកស្រង់បទពិសោធន៍ពីរបៀបរបបក្នុងការពង្រីកការវិនិយោគរបស់ប្រៃសណីយ៍ចិន។
បន្ទាប់មកគណៈប្រតិភូបានបន្តដំណើរចុះពិនិត្យប្រសិទ្ធភាពការងារជាក់ស្តែងនៅតាមមូលដ្ឋានក្នុងការជំរុញគោលនយោបាយរបស់រដ្ឋាភិបាលចិនក្នុងការអភិវឌ្ឍតាមមូលដ្ឋានតាមរយៈសាខាប្រៃសណីយ៍ចិន។ ជាក់ស្តែងគណៈប្រតិភូកម្ពុជាបានពិនិត្យឃើញថា គោលនយោបាយរបស់រដ្ឋាភិបាលចិនបានជំរុញវិស័យពាណិជ្ជកិច្ចអេឡិចត្រូនិចរបស់ខ្លួនតាមរយៈប្រៃសណីយ៍ចិន និងបានធ្វើឲ្យមានកំណើនសេដ្ឋកិច្ចនៅតាមមូលដ្ឋានកាន់តែប្រសើរឡើង ដែលបានជំរុញឲ្យមានការចូលរួមពីប្រជាជននៅតាមមូលដ្ឋានផងដែរ៕
