សិក្ខាសាលាផ្សព្វផ្សាយស្ដីពីកម្មវិធីកំណែទម្រង់ការគ្រប់គ្រងហិរញ្ញវត្ថុសាធារណៈ
រាជធានីភ្នំពេញ៖ ព្រឹកថ្ងៃទី២១ ខែមិថុនា ឆ្នាំ២០១៧ ឯកឧត្ដម សារ៉ាក់ ខាន់ រដ្ឋលេខាធិការ ក្រសួងប្រៃសណីយ៍ និងទូរគមនាគមន៍ អញ្ចើញជាអធិបតីក្នុងពិធីផ្សព្វផ្សាយស្ដីពីកម្មវិធីកំណែទម្រង់ការគ្រប់គ្រងហិរញ្ញវត្ថុសាធារណៈ នៅទីស្ដីការក្រសួងប្រៃសណីយ៍ និងទូរគមនាគមន៍។
សិក្ខាសាលានេះមានការអញ្ជើញចូលរួមពីមន្ត្រីជំនាញមកពីក្រសួងសេដ្ឋកិច្ច និងហិរញ្ញវត្ថុ និងក្រសួងប្រៃសណីយ៍ និងទូរគមនាគមន៍ ដែលជាគ្រូបង្គោលដើម្បីធ្វើបទបង្ហាញ និងចែករំលែងនូវបទពិសោធន៍ការងារអំពីការកែទម្រង់ការគ្រប់គ្រងហិរញ្ញវត្ថុសាធារណៈនាពេលកន្លងមកដូចជា៖
– ការបង្ហាញកម្រងឯកសារ (VDO) ស្ដីពីកម្មវិធីកែទម្រង់ប្រព័ន្ធគ្រប់គ្រងហិរញ្ញវត្ថុសាធារណៈនៅកម្ពុជា។
- បទបង្ហាញស្ដីពី “សាវតា វឌ្ឍនភាព ចក្ខុវិស័យ និងយុទ្ធសាស្ត្រ នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ។
– បទបង្ហាញស្ដីពី “សារាចររដ្ឋាភិបាល លេខ ០៩ ស.រ ស្ដីពីវិធាន និងនីតិវិធី នៃការរៀបចំការអនុវត្តន៍ការត្រួតពិនិត្យតាមដាន និងវាយតម្លៃលើការងារកែទម្រង់ការគ្រប់គ្រងហិរញ្ញវត្ថុសាធារណៈ។
- បទបង្ហាញស្ដីពី “ការធ្វើបច្ចុប្បន្នភាពផែនការសកម្មភាពរួមដំណាក់កាលទី៣ របស់ក្រសួងប្រៃសណីយ៍ និងទូរគមនាគមន៍ ឆ្នាំ២០១៧-២០១៩។
-បទបង្ហាញ “ការចែករំលែកបទពីសោធន៍អំពីការអនុវត្តន៍ថវិកាកម្មវិធីរបស់ក្រសួងសេដ្ឋកិច្ច និងហិរញ្ញវត្ថុ៕
ឯកឧត្ដមរដ្ឋលេខាធិការសង្ឃឹមថាអង្គសិក្ខាសាលាទាំងមូលនាពេលនេះនឹងទទួលបានបទពិសោធន៍ថ្មីៗតាមរយៈការធ្វើបទបង្ហាញរបស់គ្រូបង្គោលដើម្បីជាប្រយោជន៍ផ្ដល់នូវសូចនាករដល់អង្គភាពរបស់ខ្លួន និងបានយល់ដឹងអំពីការកំណត់ចក្ខុវិស័យ យុទ្ធសាស្ត្រគាំទ្រក្នុងកម្មវិធីកំណែទម្រង់ការគ្រប់គ្រងហិរញ្ញវត្ថុសាធារណៈឲ្យបានទទួលបានលទ្ធផលល្អប្រសើរ៕
