ឯកឧត្ដម ត្រាំ អុីវតឹក បានអញ្ជើញជាអធិបតីក្នុងពិធី «បិទវគ្គបណ្ដុះបណ្ដាល របស់ក្រុមអ្នកស្ម័គ្រចិត្ត ICT កម្ពុជា ២០១៧» ខេត្តកំពង់ឆ្នាំង
ខេត្តកំពង់ឆ្នាំង៖ ព្រឹកថ្ងៃទី០៧ ខែកញ្ញា ឆ្នាំ២០១៧ នៅស្រុកកំពង់លែង ខេត្តកំពង់ឆ្នាំង ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីក្នុងពិធី “បិទវគ្គបណ្ដុះបណ្ដាលរបស់ក្រុមអ្នកស្ម័គ្រចិត្ត ICT កម្ពុជា ២០១៧” ដោយមានការចូលរួមពី ឯកឧត្ដម លោកជំទាវ លោក-លោកស្រី ថ្នាក់ដឹកនាំក្រសួង ខេត្ត-ស្រុក ព្រមទាំងអ្នកស្ម័គ្រចិត្ត ICT លោកគ្រូ-អ្នកគ្រូ សិស្សានុសិស្ស និងសិក្ខាកាមសរុបចំនួន ២៣៦នាក់។
នារសៀលថ្ងៃដដែល ឯកឧត្ដមរដ្ឋមន្ត្រី រួមជាមួយប្រតិភូបានអញ្ជើញជាអធិបតីក្នុងពិធី “បិទវគ្គបណ្ដុះបណ្ដាល របស់ក្រុមអ្នកស្ម័គ្រចិត្ត ICT កម្ពុជា ២០១៧” នៅស្រុកទឹកផុស ខេត្តកំពង់ឆ្នាំង ដោយមានការចូលរួមពីថ្នាក់ដឹកនាំខេត្ត-ស្រុក ព្រមទាំងអ្នកស្ម័គ្រចិត្ត ICT លោកគ្រូ-អ្នកគ្រូ សិស្សានុសិស្ស និងសិក្ខាកាមសរុបចំនួន ២២១នាក់។
អ្នកស្ម័គ្រចិត្ត ICT កម្ពុជា ២០១៧ ត្រូវបានបង្កើតឡើងដោយយោងតាមអនុសាសន៍របស់ឯកឧត្ដមរដ្ឋមន្ត្រី ក្នុងគោលបំណងដើម្បីអភិវឌ្ឍន៍មូលដ្ឋានតាមរយៈវគ្គបណ្ដុះបណ្ដាលលើវិស័យបច្ចេកវិទ្យាគមនាគមន៍ និងព័ត៌មាន។ មួយវិញទៀតវគ្គបណ្ដុះបណ្ដាលនេះក៏បានជួយលើកកម្ពស់សមត្ថភាពមន្រ្តីរាជការនៅតាមមូលដ្ឋាន ព្រមទាំងបានលើកទឹកចិត្តដល់សិស្ស និស្សិត និងយុវជនឱ្យស្រលាញ់ការសិក្សា និងកាត់បន្ថយគម្លាតចំណេះដឹងផ្នែកបច្ចេកវិទ្យាគមនាគមន៍ និងព័ត៌មាន (កុំព្យូទ័រ និងស្មាតហ្វូន) រវាងសហគមន៍ជនបទ-ទីក្រុងផងដែរ៕
