ឯកឧត្តម ត្រាំ អុីវតឹកដឹកនាំប្រតិភូចូលរួមសន្និសីទថ្នាក់រដ្ឋមន្ត្រីអាស៊ាន និងដៃគូសន្ទនាសី្តពីសន្តិសុខបច្ចេកវិទ្យាព័ត៌មាន ២០១៧
សិង្ហបុរី៖ ថ្ងៃទី១៨ ខែកញ្ញា ឆ្នាំ២០១៧ នៅប្រទេសសិង្ហបុរី ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានដឹកនាំប្រតិភូចូលរួមសន្និសីទថ្នាក់រដ្ឋមន្ត្រីអាស៊ាន និងដៃគូសន្ទនាសី្តពីសន្តិសុខបច្ចេកវិទ្យាព័ត៌មាន ២០១៧ ក្រោមប្រធនបទ “ការកាត់បន្ថយគម្លាតគោលនយោបាយសន្តិសុខបច្ចេកវិទ្យាព័ត៌មាន និងការអភិវឌ្ឍសមត្ថភាព” ដោយមានការចូលរួមពីតំណាងក្រសួង-ស្ថាប័ន ដែលទទួលបន្ទុកលើវិស័យ ICT និងវិស័យសន្តិសុខជាតិ នៃប្រទេសសមាជិកអាស៊ានទាំង១០ និងប្រទេសដៃគូអភិវឌ្ឍមួយចំនួនរួមមាន អូស្ត្រាលី នូវែលហ្សេឡង់ដិ៍ (New Zealand) ចិន ជប៉ុន និងអាមេរិក។ កិច្ចប្រជុំនេះផ្តោតសំខាន់លើការពង្រឹងកិច្ចសហប្រតិបត្តិការណ៍ក្នុងតំបន់ ចែករំលែកព័ត៌មាន និងឧត្តមានុវត្តក្នុងការបញ្ចៀស ការទប់ស្កាត់ ព្រមទាំងការប្រឈមចំពោះការកសាងសន្តិសុខ និងភាពធន់ នៃសន្តិសុខបច្ចេកវិទ្យាព័ត៌មាននៅក្នុងយុគសម័យឌីជីថល៕
