ឯកឧត្តមរដ្ឋមន្ត្រី ត្រាំ អុីវតឹក អញ្ជើញជាអធិបតីក្នុងសិក្ខាសាលាស្តីពី “ការបាញ់បង្ហោះផ្កាយរណបរបស់កម្ពុជា” នៅសណ្ឋាគារកាំបូឌីយ៉ាណា
រាជធានីភ្នំពេញ៖ ព្រឹកថ្ងៃទី១៦ ខែតុលា ឆ្នាំ២០១៧ នៅសណ្ឋាគារកាំបូឌីយ៉ាណា ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីក្នុងសិក្ខាសាលាស្តីពី “ការបាញ់បង្ហោះផ្កាយរណបរបស់កម្ពុជា” ដោយមានការអញ្ជើញចូលរួមពីតំណាងក្រសួង-ស្ថាប័នពាក់ព័ន្ធ ស្ថានីយទូរទស្សន៍ ប្រតិបត្តិករទូរស័ព្ទ និងភាគីពាក់ព័ន្ធដទៃទៀត។ សិក្ខាសាលានេះត្រូវបានរៀបចំឡើងដោយយោងតាមភាពចាំបាច់ក្នុងការប្រមូលព័ត៌មានអំពីតម្រូវការជាក់ស្តែងលើការប្រើប្រាស់ផ្កាយរណបដែលក្រសួង-ស្ថាប័ននានា និងប្រតិបត្តិករក្នុងវិស័យឯកជនបាននឹងកំពុងប្រើប្រាស់ក៏ដូចជាផ្លាស់ប្តូរយោបល់ និងស្វែងយល់អំពីគម្រោងបាញ់បង្ហោះផ្កាយរណបរបស់កម្ពុជា។
