សិក្ខាសាលាស្តីពី “ការត្រួតពិនិត្យ និងប្រមូលធាតុចូលលើប្រព័ន្ធដែលត្រូវបំពាក់នៅមជ្ឈមណ្ឌលសហប្រតិបត្តិការ​លំហរ​អាកាសក្នុងតំបន់ទន្លេមេគង្គ”

រាជធានីភ្នំពេញ៖ រសៀលថ្ងៃច័ន្ទ ៦រោច ខែជេស្ឋ ឆ្នាំច សំរឺទ្ធិស័ក ព.ស.២៥៦២ ត្រូវនឹងថ្ងៃទី០៤ ខែមិថុនា ឆ្នាំ២០១៨ នៅទីស្តីការក្រសួង ឯកឧត្តមបណ្ឌិត កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំសិក្ខាសាលាស្តីពី “ការត្រួតពិនិត្យ និងប្រមូលធាតុចូលលើប្រព័ន្ធដែលត្រូវបំពាក់នៅមជ្ឈមណ្ឌលសហប្រតិបត្តិការលំហរអាកាសក្នុងតំបន់ទន្លេមេគង្គ” (Mekong-Lancang River Space Information Cooperation Center – MeSIC) ដោយមានការចូលរួមពីក្រសួង-ស្ថាប័នពាក់ព័ន្ធ និងតំណាង China Academy of Space Technology។