សិក្ខាសាលាស្តីពី “ការពិគ្រោះយោបល់ទាក់ទងនឹងការប្រើប្រាស់ប្រព័ន្ធឌីជីថលក្នុងវិស័យអប់រំនៅកម្ពុជា

រាជធានីភ្នំពេញ៖ រសៀលថ្ងៃអង្គារ ១៣កើត ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែវិច្ឆិកា ឆ្នាំ២០១៨ នៅទីស្តីការក្រសួង ឯកឧត្តម ខូវ មករា អនុរដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីក្នុងសិក្ខាសាលាស្ដីពី “ការពិគ្រោះយោបល់ទាក់ទងនឹងការប្រើប្រាស់ប្រព័ន្ធឌីជីថលក្នុងវិស័យអប់រំនៅកម្ពុជា” ដោយមានការអញ្ជើញចូលរួមដោយតំណាងមកពីក្រសួងអប់រំ យុវជន និងកីឡា បណ្តាសាកលវិទ្យាល័យនិងវិទ្យាស្ថាន ដែលពាក់ព័ន្ធនឹងវិស័យអប់រំនៅក្នុងប្រទេសកម្ពុជា។ សិក្ខាសាលានេះ រៀបចំឡើងក្នុងគោលបំណងសំខាន់ដើម្បីចែករំលែកនូវបទពិសោធន៍ និងជម្រុញការប្រើប្រាស់ប្រព័ន្ធឌីជីថលក្នុងគ្រិះស្ថានឧត្ដមសិក្សានៅកម្ពុជា៕