សិក្ខាសាលាស្តីពី “លំហាត់ឆ្លើយតបបញ្ហាបន្ទាន់សន្តិសុខបច្ចេកវិទ្យាគមនាគមន៍និងព័ត៌មាន ឆ្នាំ២០១៨-Cambodia Cyber Angkor 2018”
![](https://asset.cambodia.gov.kh/mptc/2020/03/CcBW6Qky-image-2018-12-18-122100.jpg)
រាជធានីភ្នំពេញ៖ នាព្រឹកថ្ងៃអង្គារ ១១កើត ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៨ ខែធ្នូ ឆ្នាំ២០១៨ នៅទីស្តីការក្រសួង លោក នាង ម៉ៅ អគ្គនាយករង នៃអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន បានអញ្ជើញបើកសិក្ខាសាលាស្តីពី “លំហាត់ឆ្លើយតបបញ្ហាបន្ទាន់សន្តិសុខបច្ចេកវិទ្យាគមនាគមន៍និងព័ត៌មាន ឆ្នាំ២០១៨-Cambodia Cyber Angkor 2018)” ដោយមានការចូលរួមពី មន្រ្តីរាជការមកពីគ្រប់ក្រសួង-ស្ថាប័នរាជរដ្ឋាភិបាល និងអង្គភាពពាក់ព័ន្ធ ដូចជា សមាគមធនាគារនៅកម្ពុជា អគ្គិសនីកម្ពុជា និងរដ្ឋាករទឹកស្វយ័តក្រុងភ្នំពេញ សរុបប្រមាណ ៨០នាក់។
សិក្ខាសាលានេះមានគោលបំណងសំខាន់ គឺដើម្បីបន្តពង្រឹងសមត្ថភាពជំនាញមន្ត្រីបច្ចេកទេសដែលទទួលបន្ទុកក្នុងការការពារ និងថែទាំប្រព័ន្ធព័ត៌មានរបស់ក្រសួង-ស្ថាប័ននីមួយៗ ក៏ដូចជាយល់ដឹងអំពីការគំរាមគំហែងថ្មីៗដែលកំពុងកើតមានឡើងនៅក្នុងតំបន់ និងជុំវិញពិភពលោកផងដែរ៕