ឯកឧត្តមរដ្ឋមន្ត្រី ត្រាំ អុីវតឹក អញ្ជើញដឹកនាំគណៈប្រតិភូក្រសួង ប.ទ.ចូលរួមសន្និសីទអាស៊ានស្តីពី “5G” នៅប្រទេសវៀតណាម
![Ministry of Post and Telecommunications](https://asset.cambodia.gov.kh/mptc/2020/05/xWNnc3eJ-mptc-media-3795.jpg)
ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍
ល្ងាចថ្ងៃពុធ ១៥កើត ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែមីនា ឆ្នាំ២០១៩ នៅអាកាសយាន្តដ្ឋានអន្តរជាតិភ្នំពេញ ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំគណៈប្រតិភូក្រសួងប្រៃសណីយ៍និងទូរគមនាគមន៍ ទៅចូលរួមសន្និសីទអាស៊ានស្តីពី “5G” ដែលនឹងប្រព្រឹត្តទៅនៅថ្ងៃទី២១ ដល់ថ្ងៃទី២២ ខែមីនា ឆ្នាំ២០១៩ នៅទីក្រុងហាណូយ ប្រទេសវៀតណាម។ សន្និសីទស្ដីពី 5G នេះមានការចូលរួមពីបណ្តាប្រទេសសមាជិកអាស៊ានទាំង១០ ព្រមទាំងប្រទេសជាដៃគូសន្ទនារួមមាន ប្រទេសចិន ជប៉ុន កូរ៉េ ឥណ្ឌា និងប្រតិភូអមមួយចំនួនទៀត។ គោលបំណងសំខាន់នៃសន្និសីទស្ដីពី 5G នេះគឺ ដើម្បីពិនិត្យអំពីសារៈសំខាន់នានាក្នុងការអភិវឌ្ឍលើប្រព័ន្ធ5G ព្រមទាំងពិភាក្សានិងចែករំលែកអំពីបញ្ហា បទប្បញ្ញត្តិនិងគោលនយោបាយផ្សេងៗ សេវាកម្មនិងបច្ចេកវិទ្យា ករណីអាជីវកម្មផ្សេងៗ និងពង្រឹងកិច្ចសហប្រតិបត្តិការក្នុងតំបន់ផងដែរ៕