ឯកឧត្តមរដ្ឋមន្ត្រី ត្រាំ អុីវតឹក អញ្ជើញដឹកនាំកិច្ចប្រជុំស្តីពីផែនការអាជីវកម្មរបស់ទូរគមនាគមន៍កម្ពុជា
រាជធានីភ្នំពេញ៖ នារសៀលថ្ងៃសុក្រ ១៥កើត ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៣ ខែកញ្ញា ឆ្នាំ២០១៩ នៅទីស្តីការក្រសួង ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំកិច្ចប្រជុំ ស្តីពីផែនការអាជីវកម្មរបស់ទូរគមនាគមន៍កម្ពុជា និងពិភាក្សាលេីសំណេីផ្សេងៗរបស់ទូរគមនាគមន៍កម្ពុជា ។ កិច្ចប្រជុំនេះមានការអញ្ជេីញចូលរួម ពី ក្រុមប្រឹក្សាភិបាល ទូរគមនាគមន៍ កម្ពុជា និងតំណាងក្រសួង អង្គភាព ដែលពាក់ព័ន្ធផងដែរ៕
