ឯកឧត្តមរដ្ឋមន្ត្រី ជា វ៉ាន់ដេត ជួបពិភាក្សាការងារជាមួយ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន
រាជធានីភ្នំពេញ៖ នៅព្រឹកថ្ងៃទី២១ ខែមេសា ឆ្នាំ២០២០ នៅទីស្តីការក្រសួងព័ត៌មាន ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ រួមនឹងថ្នាក់ដឹកនាំពាក់ព័ន្ធ បានជួបពិភាក្សាការងារជាមួយ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន។ ក្នុងជំនួបនេះ ឯកឧត្តមរដ្ឋមន្ត្រីទាំងពីរបានឯកភាពគ្នាដូចខាងក្រោម៖
១. ក្រសួងទាំងពីរនឹងសហការគ្នាយ៉ាងជិតស្និទ្ធ។
២. ក្រសួងទាំងពីរត្រៀមប្រគល់ និងទទួលហ្រ្វេកង់ស៍ ៧០០ MHz សម្រាប់អភិវឌ្ឍបច្ចេកវិទ្យាទូរគមនាគមន៍ជំនាន់ទី៥ (5G) នាពេលអនាគត។
៣. ក្រសួងប្រៃសណីយ៍និងទូរគមនាគមន៍នឹងជួយសម្រួលឱ្យបានឆាប់បំផុតនៅពេលដែលក្រសួងព័ត៌មានស្នើសុំហ្រ្វេកង់ស៍សម្រាប់ផ្តល់អាជ្ញាបណ្ណឱ្យប្រតិបត្តិករវិទ្យុ និងទូរទស្សន៍។
ក្រុមការងារនៃក្រសួងទាំងពីរនឹងរៀបចំលិខិតបទដ្ឋានគតិយុត្ត ដើម្បីធ្វើឱ្យកិច្ចសហប្រតិបត្តិការនេះឱ្យបានគ្រប់ជ្រុងជ្រោយ និងមានប្រសិទ្ធភាពបំផុត៕
