សិក្ខាសាលាស្តីពី “ ការផ្តល់ធាតុចូលក្នុងការរៀបចំសេចក្តីព្រាងក្របខណ្ឌគោលនយោបាយនិងផែនការមេរដ្ឋាភិបាលឌីជីថល ”

រាជធានីភ្នំពេញ៖ នារសៀលថ្ងៃទី១៩ ខែវិច្ឆិកា ឆ្នាំ២០២០ នៅទីស្តីការក្រសួងប្រៃសណីយ៍និងទូរគមនាគមន៍ បានរៀបចំសិក្ខាសាលាស្តីពី “ ការផ្តល់ធាតុចូលក្នុងការរៀបចំសេចក្តីព្រាងក្របខណ្ឌគោលនយោបាយនិងផែនការមេរដ្ឋាភិបាលឌីជីថល ” ក្រោមអធីបតីភាពឯកឧត្តមរដ្ឋលេខាធិការ សុខ ពុទ្ធិវុធ តំណាងដ៏ខ្ពង់ខ្ពស់របស់ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ ដោយមានការអញ្ជើញចូលរួម ពីថ្នាក់ដឹកនាំ និងមន្ត្រីជំនាញក្រសួងប្រៃសណីយ៍និងទូរគមនាគមន៍ ព្រមទាំងអ្នកជំនាញការនៃទីភ្នាក់ងារសង្គមព័ត៌មានជាតិ (National Information Society Agency – NIA) នៃសាធារណរដ្ឋកូរ៉េ ។

សិក្ខាសាលានេះរៀបចំឡើងក្នុងគោលបំណង ដើម្បីប្រមូលធាតុចូលឱ្យបានគ្រប់ជ្រុងជ្រោយនិងបន្តវឌ្ឍនភាពទៅមុខ ក្នុងការរៀបចំសេចក្តីព្រាងក្របខណ្ឌគោលនយោបាយនិងផែនការមេរដ្ឋាភិបាលឌីជីថល ឱ្យទទួលបានប្រសិទ្ធភាពខ្ពស់៕

-រូបថតដោយ ពត សែមតារារដ្ឋ
-បកប្រែជាភាសាអង់គ្លេសដោយ ថន សុធារិន