ថ្នាក់ដឹកនាំ និងមន្ត្រីរាជការ នៃក្រសួងប្រៃសណីយ៍និងទូរគមនាគមន៍ បានចូលរួមបរិច្ចាកថវិកាសរុបចំនួន ៨០,០០០,០០០រៀល ជូនទៅក្រសួងសុខាភិបាល ដើម្បីបន្តការការពារ និងប្រយុទ្ធប្រឆាំងជំងឺកូវីដ-១៩
នៅដើមឆ្នាំ២០២១នេះ ជំងឺកូវីដ-១៩ បាននឹងកំពុងបន្តកើតមាននៅទូទាំងពិភពលោករាប់ទាំងកម្ពុជាយើង។ ដោយមានការយកចិត្តទុកដាក់ដ៏ខ្ពង់ខ្ពស់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានកាត់ប្រាក់បៀវត្សទាំងអស់ក្រោយការបង់ពន្ធរយៈពេល ៧ខែ ជាមួយគ្នានេះ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ ក៏បានកាត់ប្រាក់បៀវត្សទាំងអស់ក្រោយការបង់ពន្ធរយៈពេល ៦ខែ ដើម្បីចូលរួមបរិច្ចាកជូនទៅក្រសួងសុខាភិបាល ក្នុងការបន្តប្រយុទ្ធប្រឆាំងជំងឺកូវីដ-១៩។ ស្របជាមួយគ្នានេះ នារសៀលថ្ងៃទី២៦ ខែមករា ឆ្នាំ២០២១ រដ្ឋលេខាធិការ អនុរដ្ឋលេខាធិការ អគ្គនាយក ជាថ្នាក់ដឹកនាំ និងមន្ត្រីរាជការក្រោមឱវាទក្រសួង បានចូលរួមបរិច្ចាកថវិកាសរុបចំនួន ៨០,០០០,០០០រៀល ជូនទៅក្រសួងសុខាភិបាល ក្នុងការបន្ត ការការពារ និងប្រយុទ្ធប្រឆាំងជំងឺកូវីដ-១៩។
ការចូលរួមនេះ គឺបង្ហាញឱ្យឃើញនូវសាមគ្គីភាពរបស់ថ្នាក់ដឹកនាំ និងមន្ត្រីរាជការនៃក្រសួងប្រៃសណីយ៍និងទូរគមនាគមន៍ ក្នុងខឿនការពារសុខភាពរបស់ប្រជាជនកម្ពុជា។
