អបអរសាទរ! ក្រុមកម្ពុជាតំណាងដោយបណ្ឌិត្យសភាបច្ចេកវិទ្យាឌីជីថលកម្ពុជា ឈ្នះការប្រកួតជុំទី១ ត្រៀមបន្តទៅវគ្គបន្ទាប់ នៃការប្រកួតរ៉ូបូតថ្នាក់អន្តរជាតិ ABU Robocon ឆ្នាំ២០២២
![](https://asset.cambodia.gov.kh/mptc/2022/08/image_2022-08-21_16-16-13.png)
![](https://asset.cambodia.gov.kh/mptc/media/image_2022-08-21_16-16-13-1024x576.png)
រាជធានីភ្នំពេញ៖ នៅថ្ងៃទី២១ ខែសីហា ឆ្នាំ២០២២ នេះ ក្រុមកម្ពុជាយើង ដែលមាននិស្សិតឆ្នើមមកពីបណ្ឌិត្យសភាបច្ចេកវិទ្យាឌីជីថលកម្ពុជា (CADT) នៃក្រសួងប្រៃសណីយ៍និងទូរគមនាគមន៍ ជាតំណាង បានចូលរួមការប្រកួតរ៉ូបូតថ្នាក់អន្តរជាតិ ABU Robocon ឆ្នាំ២០២២ ជាមួយបណ្តាប្រទេសចំនួន ១២ ផ្សេងទៀត ដែលតំណាងដោយសាកលវិទ្យាល័យល្បីៗរបស់ខ្លួន។
នៅក្នុងការប្រកួតក្នុងជុំទី១ ក្រុមកម្ពុជាទទួលបានលទ្ធផលគួរជាទីមោទនៈ ដោយបានយកឈ្នះលើក្រុមម៉ាឡេស៊ីក្នុងលទ្ធផល ៦៥ ទល់នឹង ៤៥ ហើយបន្តយកឈ្នះលើក្រុមហ្វីជីក្នុងលទ្ធផល ៦៥ ទល់នឹង ២៥។ លទ្ធផលនេះនឹងអនុញ្ញាតឱ្យកម្ពុជាឡើងទៅវគ្គពាក់កណ្តាលផ្តាច់ព្រាត់ ដែលនឹងធ្វើឡើងបន្ទាប់ពីជុំទី១ ត្រូវបានបញ្ចប់។ ចំពោះ លោកអ្នកដែលចង់ទស្សនាការប្រកួតនេះដោយផ្ទាល់លើ Online សូមចូលទៅកាន់ https://youtu.be/wttdU6ItDhI ។
គូសបញ្ជាក់ផងដែរថា ក្រុមរ៉ូបូត CADT 01 មកពីបណ្ឌិត្យសភាបច្ចេកវិទ្យាឌីជីថលកម្ពុជា នៃក្រសួងប្រៃសណីយ៍និងទូរគមនាគមន៍ ទទួលបានជ័យលាភីលេខ១ ក្នុងកម្មវិធីប្រកួតប្រជែងរ៉ូបូតថ្នាក់ជាតិលើកទី៩ ឆ្នាំ២០២២ កាលពីថ្ងៃទី២៦ មិថុនា ២០២២ ដែលធ្វើឱ្យពួកគាត់មានឱកាសចូលរួមការប្រកួតតំណាងឱ្យកម្ពុជា នាពេលនេះ។
![](https://asset.cambodia.gov.kh/mptc/media/image_2022-08-21_16-16-26.png)
![](https://asset.cambodia.gov.kh/mptc/media/image_2022-08-21_16-22-33.png)
![](https://asset.cambodia.gov.kh/mptc/media/image_2022-08-21_16-22-20.png)
![](https://asset.cambodia.gov.kh/mptc/media/photo_2022-08-22_09-55-17.jpg)
![](https://asset.cambodia.gov.kh/mptc/media/photo_2022-08-22_09-55-21.jpg)
![](https://asset.cambodia.gov.kh/mptc/media/image_2022-08-21_16-16-52.png)