ឯកឧត្តមរដ្ឋមន្ត្រី ជា វ៉ាន់ដេត ថ្លែងអំណរគុណចំពោះនិវត្តជនដែលបានកសាងមូលដ្ឋានគ្រឹះសម្រាប់ការអភិវឌ្ឍក្រសួង ដែលយើងត្រូវតែប្ដេជ្ញាថែរក្សាការពារ និងបន្តអភិវឌ្ឍទ្វេដងតទៅទៀត
![](https://asset.cambodia.gov.kh/mptc/2023/04/IMGL0933-scaled.jpg)
![](https://asset.cambodia.gov.kh/mptc/media/IMGL0933-1024x683.jpg)
រាជធានីភ្នំពេញ៖ នាព្រឹកថ្ងៃទី១០ ខែមេសា ឆ្នាំ២០២៣ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអញ្ជេីញជាអធិបតីក្នុងពិធីសំណេះសំណាលជាមួយនិវត្តជនក្នុងឱកាសបុណ្យចូលឆ្នាំថ្មីប្រពៃណីជាតិដោយមានការចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ តំណាងសមាគមបុគ្គលិកប្រៃសណីយ៍និងទូរគមនាគមន៍តាមអង្គភាព មន្ទីរក្រោមឱវាទក្រសួង និងនិវត្តជន សរុបប្រមាណ ៣៥០នាក់។
ថ្លែងទៅកាន់អង្គពិធីទាំងមូល ឯកឧត្តមរដ្ឋមន្ត្រីបានសម្តែងនូវសេចក្ដីសោមនស្សរីករាយជាអនេក ចំពោះវត្តមាននិវត្តជនទាំងអស់ដែលបានចំណាយពេលដ៏មានតម្លៃចូលរួមក្នុងកម្មវិធីនេះ។ ឯកឧត្ដមរដ្ឋមន្ត្រី បានគូសបញ្ជាក់ថា រៀមច្បងនិងពូមីងនិវត្តជនទាំងអស់ បានកសាងមូលដ្ឋានគ្រឹះសម្រាប់វិស័យប្រៃសណីយ៍និងទូរគមនាគមន៍ និងបានខិតខំប្រឹងប្រែងអស់ពីកម្លាំងកាយកម្លាំងចិត្តក្នុងការបំពេញភារកិច្ច ដើម្បីបុព្វហេតុជាតិមាតុភូមិ និងដើម្បីទុកជាសមិទ្ធផលបន្តជូនអ្នកជំនាន់ក្រោយ ដែលយើងត្រូវតែប្ដេជ្ញាថែរក្សាការពារ និងបន្ត អភិវឌ្ឍទ្វេដងតទៅទៀត។
ជាមួយគ្នានេះ ឯកឧត្តមរដ្ឋមន្ត្រី បានបង្ហាញជូនអំពីសមិទ្ធផលការងារសំខាន់ៗ ដែលក្រសួងសម្រេចបានក្នុងរយៈពេល ៣ ឆ្នាំកន្លងមកនេះ រួមមានកំណែទម្រង់ផ្ទៃក្នុងក្រសួង ការអនុវត្តគោលនយោបាយរដ្ឋាភិបាលឌីជីថល ២០២២-២០៣៥ ការកសាងច្បាប់និងលិខិតបទដ្ឋានគតិយុត្តសំខាន់ៗ ការអភិវឌ្ឍវិស័យប្រៃសណីយ៍ ទូរគមនាគមន៍ វិស័យឌីជីថល ការបណ្តុះបណ្តាលមូលធនមនុស្សឌីជីថល និងការងារសង្គម។
មុននឹងបញ្ចប់ ឯកឧត្តមរដ្ឋមន្ត្រី បានផ្តល់វត្ថុអនុស្សាវរីយ៍ និងថវិកាសម្រាប់និវត្តជនម្នាក់ៗចំនួន ៤០ម៉ឺនរៀល ផងដែរ។
![](https://asset.cambodia.gov.kh/mptc/media/IMGL0796-scaled.jpg)
![](https://asset.cambodia.gov.kh/mptc/media/IMGL0933-scaled.jpg)
![](https://asset.cambodia.gov.kh/mptc/media/IMGL0822-scaled.jpg)
![](https://asset.cambodia.gov.kh/mptc/media/IMGL1156-scaled.jpg)
![](https://asset.cambodia.gov.kh/mptc/media/IMGL1089-scaled.jpg)
![](https://asset.cambodia.gov.kh/mptc/media/IMGL1076-scaled.jpg)
![](https://asset.cambodia.gov.kh/mptc/media/IMGL1047-scaled.jpg)
![](https://asset.cambodia.gov.kh/mptc/media/IMGL0916-scaled.jpg)
![](https://asset.cambodia.gov.kh/mptc/media/IMGL0879-scaled.jpg)
![](https://asset.cambodia.gov.kh/mptc/media/IMGL0841-scaled.jpg)