ឯកឧត្តមរដ្ឋលេខាធិការ ឯក វណ្ណឌី បានអញ្ជើញជាអធិបតីក្នុងពិធីប្រគល់ពានរង្វាន់ជ័យលាភីការប្រកួតប្រជែងសរសេរសំបុត្រថ្នាក់ជាតិលើកទី៣ ឆ្នាំ២០២៤
![](https://asset.cambodia.gov.kh/mptc/2024/05/photo_2024-05-23_16-47-50-jpg.webp)
ឯកឧត្តមរដ្ឋលេខាធិការ ឯក វណ្ណឌី បានអញ្ជើញជាអធិបតីក្នុងពិធីប្រគល់ពានរង្វាន់ជ័យលាភីការប្រកួតប្រជែងសរសេរសំបុត្រថ្នាក់ជាតិលើកទី៣ ឆ្នាំ២០២៤ ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី មន្ត្រីរាជការនៃក្រសួងប្រៃសណីយ៍និងទូរគមនាគមន៍ លោកឧកញ៉ា លោក លោកស្រី តំណាងប្រតិបត្តិករប្រៃសណីយ៍ លោកគ្រូ អ្នកគ្រូ អាណាព្យាបាលសិស្ស សរុបប្រមាណ 250នាក់។
នៅក្នុងឱកាសនោះ ឯកឧត្តមរដ្ឋលេខាធិការ បានកោតសរសើរ និងវាយតម្លៃខ្ពស់ ហើយបានលើកទឹកចិត្តដល់ក្មួយៗជ័យលាភីទាំងអស់ត្រូវខិតខំព្យាយាមរៀនសូត្របន្ថែមទៀត ដើម្បីឱ្យក្លាយជាសិស្សល្អ មិត្តល្អ កូនល្អ និងពលរដ្ឋល្អ ដែលជាទំពាំងស្នងឬស្សីនាពេលអនាគត។ ជាមួយគ្នានេះ ឯកឧត្តមរដ្ឋលេខាធិការ បានផ្តល់កិត្តិយសផ្តល់វិញ្ញាបនបត្រទទួលស្គាល់ដល់សិស្សជ័យលាភី ព្រមទាំងប្រគល់រង្វាន់លើកទឹកចិត្ត រួមមាន៖
– ជ័យលាភីលេខ១ សិស្សឈ្មោះ ទ្រី វួចឆេង ភេទស្រី មកពីសាលាអន្តរជាតិ CIA First ទទួលបាន មេដាយចំនួន១ សៀវភៅតែមប្រិ៍ចំនួន១ វិញ្ញាបនបត្រចំនួន១ កាបូប១ ថវិកាចំនួន ៣,០០០,០០០ រៀល
– ជ័យលាភីលេខ២ សិស្សឈ្មោះ ប្រាក់ឆន សិទ្ធិការ្យ ភេទស្រី មកពីសាលា KCE ទទួលបាន មេដាយចំនួន១ សៀវភៅតែមប្រិ៍ចំនួន១ វិញ្ញាបនបត្រចំនួន១ កាបូប១ ថវិកាចំនួន ២,0០០,០០០ រៀល
– ជ័យលាភីលេខ៣ សិស្សឈ្មោះ អៀម វីនឈីវ ភេទប្រុស មកពីសាលាអន្តរជាតិ CIA First ទទួលបាន មេដាយចំនួន១ សៀវភៅតែមប្រិ៍ចំនួន១ វិញ្ញាបនបត្រចំនួន១ កាបូប១ ថវិកាចំនួន 1,0០០,០០០ រៀល
– ជ័យលាភីលេខ៤ ដល់ លេខ១០ ទទួលបានវិញ្ញាបនបត្រ១ កាបូប១ ថវិកាចំនួន 40០,០០០ រៀល។
សូមជម្រាបជូនថា ការប្រកួតប្រជែងនេះរៀបចំឡើងក្នុងគោលបំណងលើកកម្ពស់សមត្ថភាពគំនិតច្នៃប្រឌិតសិស្សានុសិស្សលើការស្រាវជ្រាវ ទេពកោសល្យក្នុងការសរសេរ ការវិភាគលើបញ្ហា ការដោះស្រាយបញ្ហា និងស្វែងរកដំណោះស្រាយ ព្រមទាំងអាចស្វែងយល់ពីការប្រើប្រាស់សេវាបញ្ញើប្រៃសណីយ៍។ សម្រាប់សំណេររបស់បេក្ខជនជ័យលាភីលេខ១ គណៈកម្មការបានជ្រើសរើសជាតំណាងរបស់កម្ពុជា និងបានផ្ញើទៅចូលរួមប្រកួតប្រជែងកម្រិតអន្តរជាតិដែលរៀបចំដោយសហភាពប្រៃសណីយ៍សកល (Universal Postal Union) ដែលមានការចូលរួមប្រកួតប្រជែងពីបណ្ដាប្រទេសចំនួន ១៩២ នៅលើពិភពលោក ហើយលទ្ធផលនៃការប្រកួតនឹងត្រូវប្រកាសនៅក្នុង ខែតុលា ឆ្នាំ២០២៤ ខាងមុខ។
រាជធានីភ្នំពេញ | ទីស្តីការក្រសួងប្រៃសណីយ៍និងទូរគមនាគមន៍ ថ្ងៃទី១០ ឧសភា ២០២៤
![](https://asset.cambodia.gov.kh/mptc/2024/05/photo_2024-05-10_21-00-21-1024x497.webp)
![](https://asset.cambodia.gov.kh/mptc/2024/05/photo_2024-05-10_21-00-22-2-1024x775.webp)
![](https://asset.cambodia.gov.kh/mptc/2024/05/photo_2024-05-10_21-00-22-3-1024x704.webp)
![](https://asset.cambodia.gov.kh/mptc/2024/05/photo_2024-05-10_21-00-22-4-1024x642.webp)
![](https://asset.cambodia.gov.kh/mptc/2024/05/photo_2024-05-10_21-00-22-5-1024x582.webp)
![](https://asset.cambodia.gov.kh/mptc/2024/05/photo_2024-05-10_21-00-22-6-1024x682.webp)
![](https://asset.cambodia.gov.kh/mptc/2024/05/photo_2024-05-10_21-00-22-1024x614.webp)
![](https://asset.cambodia.gov.kh/mptc/2024/05/photo_2024-05-10_21-00-23-2-1024x626.webp)
![](https://asset.cambodia.gov.kh/mptc/2024/05/photo_2024-05-10_21-00-23-1024x682.webp)
![](https://asset.cambodia.gov.kh/mptc/2024/05/photo_2024-05-23_16-47-50-1024x575.webp)