ឯកឧត្តមរដ្ឋមន្ត្រី ជា វ៉ាន់ដេត បានអញ្ជើញដឹកនាំគណៈប្រតិភូចូលរួមក្នុងកិច្ចប្រជុំ ASIA TECH x SINGAPORE (ATxSG) ដែលបានប្រព្រឹត្តទៅចាប់ពីថ្ងៃទី២៩-៣១ ខែឧសភា ឆ្នាំ២០២៤ នៅប្រទេសសិង្ហបុរី

អត្ថបទដោយSemtararath

ឯកឧត្តមរដ្ឋមន្ត្រី ជា វ៉ាន់ដេត បានអញ្ជើញដឹកនាំគណៈប្រតិភូចូលរួមក្នុងកិច្ចប្រជុំ ASIA TECH x SINGAPORE (ATxSG) ដែលបានប្រព្រឹត្តទៅចាប់ពីថ្ងៃទី២៩-៣១ ខែឧសភា ឆ្នាំ២០២៤ នៅប្រទេសសិង្ហបុរី ដោយមានការអញ្ជើញចូលរួមពីថ្នាក់ដឹកនាំ​ និងអ្នកជំនាញបច្ចេកវិទ្យាឌីជីថល​ អ្នកជំនាញសន្តិសុខបច្ចេកវិទ្យា និងក្រុមហ៊ុនបច្ចេកវិទ្យាមកពីប្រទេសជាច្រើនជុំវិញពិភពលោក។

កិច្ចប្រជុំនេះមានគោលបំណងពិភាក្សាផ្លាស់ប្ដូរបទពិសោធនិង ស្វែងយល់អំពីការវិវឌ្ឍនៃបច្ចេកវិទ្យាចុងក្រោយ ព្រមទាំងតួនាទីរបស់រដ្ឋាភិបាល និងធុរកិច្ចក្នុងការរួមគ្នាជំរុញសេដ្ឋកិច្ចឌីជីថល និងសង្គមឌីជីថល។ ស្របជាមួយគ្នានេះ ឯកឧត្តមរដ្ឋមន្ត្រី និងគណ:ប្រតិភូកម្ពុជា ក៏បានចូលរួមពិភាក្សាលើការវិវឌ្ឍចុងក្រោយនៃបច្ចេកវិទ្យាបញ្ញាសិប្បនិម្មិត (AI)​ និងបញ្ហាសុវត្ថិភាពតាមប្រព័ន្ធអ៊ីនធឺណិត ជាពិសេសសម្រាប់កុមារ។

នៅក្នុងដំណើរបេសកកម្មនេះ គណៈប្រតិភូ បានជួបពិភាក្សាការងារដោយផ្ទាល់ជាមួយក្រុមហ៊ុន Apple, Amazon, Google, Grab, មជ្ឈមណ្ឌលបណ្តុះធុរកិច្ចថ្មី Block 71 របស់សិង្ហបុរី​ និងទីភ្នាក់ងារសន្តិសុខសាយប័រ (Cyber Security Agency) ដើម្បីពង្រឹងទំនាក់ទំនង និងជំរុញការអភវឌ្ឍបច្ចេកវិទ្យានិងនវានុវត្តន៍ឌីជីថលនៅកម្ពុជា។ ជាមួយគ្នានេះ គណៈប្រតិភូ បានអញ្ជើញទស្សនានូវឧបករណ៍ និងដំណោះស្រាយនានាដោយប្រើប្រាស់បច្ចេកវិទ្យាឌីជីថលទំនើបៗចុងក្រោយ ដែលបានដាក់តាំងពិព័រណ៍ដោយក្រុមហ៊ុននានានៅលើពិភពលោកផងដែរ។

ប្រទេសសិង្ហបុរី | ថ្ងៃទី៣១ ឧសភា ២០២៤

#ATxSG#MPTC#GoDigitalCambodia#កម្ពុជាឆ្ពោះទៅឌីជីថល#ក្រសួងប្រៃសណីយ៍និងទូរគមនាគមន៍#កម្ពុជា#Cambodia

អត្ថបទជាប់ទាក់ទង

  • ឯកឧត្តមរដ្ឋមន្ត្រី ជា វ៉ាន់ដេត បានអញ្ជើញជាអធិបតីក្នុងវេទិកាសាធារណៈផ្ទៃក្នុង នៅស្រុកទ្រាំង ខេត្តតាកែ

  • ក្រសួងប្រៃសណីយ៍និងទូរគមនាគមន៍ បានរៀបចំវគ្គបណ្ដុះបណ្ដាល ស្តីពី « Improvement of Incident Response Capability Through Cyber Exercise » នៃគម្រោងលើកកម្ពស់ភាពធន់នៃសន្តិសុខសាយប័រ

  • ឯកឧត្តមរដ្ឋលេខាធិការ កែវ សុទ្ធិ បានអញ្ជើញជាវាគ្មិនក្នុងវេទិកាតុមូល ក្រោមប្រធានបទ “ដើម្បីធ្វើនិយ័តកម្មបញ្ញាសិប្បនិម្មិត (Artificial Intelligence-AI) តើត្រូវមានទស្សនទានអ្វីខ្លះ?”