រាជធានីភ្នំពេញ៖ ព្រឹកថ្ងៃទី៣០ ខែធ្នូ ឆ្នាំ២០២៥ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ (ក.ប.ទ.) បានទទួលជួបពិភាក្សាការងារជាមួយ ឯកឧត្តម បាវីតលុង វ៉ាន់ឡាល់វ៉ាវណា (Bawitlung Vanlalvawna) ឯកអគ្គរដ្ឋទូតឥណ្ឌាប្រចាំព្រះរាជាណាចក្រកម្ពុជា នៅទីស្ដីការ ក.ប.ទ.។
ក្នុងជំនួបនេះ ឯកឧត្តមរដ្ឋមន្រ្តី និងឯកឧត្តមឯកអគ្គរដ្ឋទូត បានពិភាក្សាលើការងារពាក់ព័ន្ធនឹងវឌ្ឍនភាពនៃការកែទម្រង់វិស័យទូរគមនាគមន៍ កិច្ចសហប្រតិបត្តិការនាពេលកន្លងមក ក៏ដូចជាបច្ចេកវិទ្យាឌីជីថលនិងការបណ្តុះបណ្តាលធនធានមនុស្សជំនាញឌីជីថល ការអភិវឌ្ឍថ្នាលនិងកម្មវិធីរបស់រាជរដ្ឋាភិបាល ជាពិសេសថ្នាលផ្ទៀងផ្ទាត់ឯកសារ VERIFY។
#posts#telecommunications#digital#MPTC#GoDigitalCambodia#Cambodia