សកម្មភាពក្រសួង

ព្រឹកថ្ងៃទី១៣ ខែមករា ឆ្នាំ២០១៧ ឯកឧត្ដម តុល ញ៉ក់ អគ្គនាយក នៃអគ្គនាយកដ្ឋានប្រៃសណីយ៍ និងទូរគមនាគមន៍អញ្ជើញជាអធិបតីក្នុងវេទិកាធ្វើបទបង្ហាញរបស់មន្ត្រីក្រោមចំណុះនៃអគ្គនាយកដ្ឋានប្រៃសណីយ៍ និងទូរគមនាគមន៍ដែលបានចូលរួមក្នុងវេទិកានិងសិក្ខាសាលានៅក្រៅប្រទេសពាក់ព័ន្ធនឹងគោលនយោបាយអ៊ិនធឺណិតល្បើនលឿន និងកាតព្វកិច្ចសេវាសកល នៅទីស្ដីការក្រសួង។

រសៀលថ្ងៃទី១២ ខែមករា ឆ្នាំ២០១៧ លោកជំទាវ រស់ សូរក្ខា រដ្ឋលេខាធិការក្រសួងប្រៃសណីយ៍ និងទូរគមនាគមន៍ អញ្ជើញដឹកនាំកិច្ចប្រជុំពិភាក្សាលើសេចក្ដីព្រាងប្រកាសស្ដីពីការតភ្ជាប់ និងការផ្ដល់ទិន្នន័យសេវាទូរគមនាគមន៍ និងព័ត៌មានវិទ្យា នៅទីស្ដីការក្រសួង។

ព្រឹកថ្ងៃទី១២ ខែមករា ឆ្នាំ២០១៧ ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយផែនការរបស់រាជរដ្ឋាភិបាលស្ដីពីយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១ នៅទីស្ដីការក្រសួង ដោយមានការអញ្ជើញចូលរួមពីសំណាក់ថ្នាក់ដឹកនាំ មន្ត្រីរាជការ មន្ទីរ​ ប.ទ និងអង្គភាពក្រោមចំណុះក្រសួងផងដែរ។

លោកជំទាវ ជ្រឹង បុទុមរង្សី អនុរដ្ឋលេខាធិការក្រសួងប្រៃសណីយ៍ និងទូរគមនាគមន៍ អញ្ជើញដឹកនាំកិច្ចប្រជុំពិភាក្សាពីការរៀបចំធ្វើបច្ចុប្បន្នភាពក្រុមការងារគ្រប់គ្រងគេហទំព័រ និងបណ្ដាញទំនាក់ទំនងសង្គម (Facebook) របស់ក្រសួងប្រៃសណីយ៍ និងទូរគមនាគមន៍ នាព្រឹកថ្ងៃទី​១១ ខែ​មករា ឆ្នាំ២០១៧ នៅទីស្ដីការក្រសួង។

ឯកឧត្ដម កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំកិច្ចប្រជុំអន្តរក្រសួងដើម្បីពិនិត្យលើចំនុចអាទិភាពលើគម្រោងបង្កើតមជ្ឈមណ្ឌលសហប្រតិបត្តិការព័ត៌មានលំហអាកាសក្នុងតំបន់ទន្លេមេគង្គ នារសៀលថ្ងៃទី០៤ ខែមករា ឆ្នាំ២០១៧ នៅទីស្ដីការក្រសួង។

ព្រឹកថ្ងៃទី៣០ ខែធ្នូ ឆ្នាំ២០១៦ ឯកឧត្ដម ខាយ ឃុនហេង រដ្ឋលេខាធិការ និងជាប្រធានគណៈកម្មាធិការប្រយុទ្ធនឹងជំងឺអេដស៏ក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំកិច្ចប្រជុំពិភាក្សាការងាររបស់គណៈកម្មាធិការប្រយុទ្ធនឹងជំងឺអេដស៏ក្រសួងប្រៃសណីយ៍ និងទូរគមនាគមន៍ ដើម្បីពិនិត្យបូកសរុបរបាយការណ៍លទ្ធផលសកម្មភាពការងារឆ្នាំ២០១៦ និងរៀបចំគម្រោងផែនការសកម្មភាពការងារឆ្នាំ២០១៧។

រសៀលថ្ងៃទី២១ ខែធ្នូ ឆ្នាំ២០១៦ នៅសាលប្រជុំតូច ទីស្ដីការក្រសួងប្រៃសណីយ៍ និងទូរគមនាគមន៍  ឯកឧត្ដម ឯក វណ្ណឌី រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំគណៈកម្មការទទួលបន្ទុកការងារនីតិកម្មកសាងច្បាប់ និងលិខិតបទដ្ឋានវិស័យប្រៃសណីយ៍ ប្រជុំពិភាក្សាស្ដីពីបញ្ញើហាមឃាត់ និងការកែសម្រួលលេខកូដប្រៃសណីយ៍។

រសៀលថ្ងៃទី២០ ខែធ្នូ ឆ្នាំ២០១៦ នៅទីស្ដីការក្រសួងប្រៃសណីយ៍ និងទូរគមនាគមន៍ ឯកឧត្ដម សារ៉ាក់ ខាន់ រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំកិច្ចប្រជុំគណៈកម្មការទទួលបន្ទុកការងារនីតិកម្មរបស់និយ័តករទូរគមនាគមន៍កម្ពុជា ដើម្បីពិនិត្យពិភាក្សាលើសេចក្ដីព្រាងប្រកាសស្ដីពីលក្ខខ័ណ្ឌ និងនីតិវិធីនៃការផ្ដល់ការកែប្រែការព្យួរការផ្ទេរ និងដកហូតលិខិតអនុញ្ញាត្តវិញ្ញាបនបត្រ ឬអាជ្ញាបណ្ណ និងសេចក្ដីព្រាងប្រកាសរួមស្ដីពីកម្រៃអាជ្ញាបណ្ណទូរគមនាគមន៍ និងកម្រៃផ្សេងៗ។

ព្រឹកថ្ងៃទី១៩ ខែធ្នូ ឆ្នាំ២០១៦ ឯកឧត្ដម កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីដឹកនាំកិច្ចប្រជុំពិគ្រោះយោបលលើសេចក្ដីព្រាងអនុក្រឹត្យស្ដីពីការកំណត់យន្តការសម្រាប់ការអនុវត្តកម្មវិធីមូលនិធិសេវាសកលទូរគមនាគមន៍ និងសេចក្ដីព្រាងអនុក្រឹត្យស្ដីពីការកំណត់យន្តការសម្រាប់ការអនុវត្តកម្មវិធីមូលនិធិនៃការកសាងសមត្ថភាព និងការស្រាវជ្រាវ និងការអភិវឌ្ឍលើវិស័យទូរគមនាគមន៍ ដោយមានការអញ្ជើញចូលរួមពីសំណាក់ថ្នាក់ដឹកនាំ មន្ត្រីរាជការក្រសួងប្រៃសណីយ៍ និងទូរគមនាគមន៍ ព្រមទាំងក្រុមហ៊ុនប្រតិបត្តិករទូរគមនាគមន៍ និងភាគីពាក់ព័ន្ធនានាផងដែរ។

ព្រឹកថ្ងៃទី១៦ ខែធ្នូ ឆ្នាំ២០១៦ ឯកឧត្ដម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអនុញ្ញាតឲ្យលោក Lauren Fan នាយកផ្នែកវិស័យសាធារណៈសកល របស់ក្រុមហ៊ុនHuawei ដឹកនាំប្រតិភូចូលជួបសម្តែងការគួរសម និងពិភាក្សាការងារ នៅទីស្ដីការក្រសួងប្រៃសណីយ៍ និងទូរគមនាគមន៍។