ឯកឧត្ដមរដ្ឋលេខាធិការ កាន ច័ន្ទមេត្តា អញ្ជើញដឹកនាំកិច្ចប្រជុំពិគ្រោះយោបលលើសេចក្ដីព្រាងអនុក្រឹត្យស្ដីពីការកំណត់យន្តការសម្រាប់ការអនុវត្តកម្មវិធីមូលនិធិសេវាសកលទូរគមនាគមន៍
ព្រឹកថ្ងៃទី១៩ ខែធ្នូ ឆ្នាំ២០១៦ ឯកឧត្ដម កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីដឹកនាំកិច្ចប្រជុំពិគ្រោះយោបលលើសេចក្ដីព្រាងអនុក្រឹត្យស្ដីពីការកំណត់យន្តការសម្រាប់ការអនុវត្តកម្មវិធីមូលនិធិសេវាសកលទូរគមនាគមន៍ និងសេចក្ដីព្រាងអនុក្រឹត្យស្ដីពីការកំណត់យន្តការសម្រាប់ការអនុវត្តកម្មវិធីមូលនិធិនៃការកសាងសមត្ថភាព និងការស្រាវជ្រាវ និងការអភិវឌ្ឍលើវិស័យទូរគមនាគមន៍ ដោយមានការអញ្ជើញចូលរួមពីសំណាក់ថ្នាក់ដឹកនាំ មន្ត្រីរាជការក្រសួងប្រៃសណីយ៍ និងទូរគមនាគមន៍ ព្រមទាំងក្រុមហ៊ុនប្រតិបត្តិករទូរគមនាគមន៍ និងភាគីពាក់ព័ន្ធនានាផងដែរ។
