សមាគមបុគ្គលិកប្រៃសណីយ៍និងទូរគមនាគមន៍កម្ពុជាធ្វើសន្និបាតរបស់ខ្លួន
សន្និបាតបូកសរុបលទ្ធផលការងារសមាគមបុគ្គលិកប្រៃសណីយ៍ និងទូរគមនាគមន៍កម្ពុជាអាណត្តិទី៦ និងទិសដៅការងារអាណត្តិទី៧ សម្រាប់ឆ្នាំ២០១៤និង២០១៥ បានប្រារព្ធឡើងនៅទីស្តីការក្រសួង កាលពីថ្ងទី១៧ ខែមីនា ឆ្នាំ២០១៤ ក្រោមអធិបតីភាពឯកឧត្តម ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍។
លោកព្រុំ សុន្ថារ ប្រធានសមាគមបុគ្គលិកប្រៃសណីយ៍ និងទូរគមនាគមន៍កម្ពុជា មានប្រសាសន៍ថា អតីតរដ្ឋមន្ត្រីក្រសួងប្រៃសណីយ៍ និងទូរគមនាគមន៍ ឯកឧត្តម សូរ ឃុន បានអនុញ្ញាតឲ្យបង្កើតសមាគមនេះចាប់តាំពីខែមេសា ឆ្នាំ១៩៩៩ ហើយមកដល់ពេលនេះមានរយៈពេល១៤ឆ្នាំហើយ។ គោលបំណងនៃការបង្កើតសមាគមបុគ្គលិកប្រៃសណីយ៍និងទូរគមនាគមន៍កម្ពុជា គឺដើម្បីពង្រឹងសាមគ្គីភាពរវាងមន្ត្រីរាជការគ្រប់លំដាប់ថ្នាក់នៃក្រសួងប្រៃសណីយ៍ និងទូរគមនាគមន៍ ទោះបីមន្ត្រីទាំងនោះចូលនិវត្តន៍ ឬឈប់សម្រាកពីការងារក៏ដោយ ក៏យើងគ្រប់គ្នានៅតែជួយឧបត្ថម្ភគ្នាទៅវិញទៅមកនៅពេលមានវិបត្តិភ័យនៃជីវិត។ ជាពិសេស ឯកឧត្តមអតីតរដ្ឋមន្ត្រី តែងតែសម្រេចឲ្យគណៈកម្មាធិការកណ្តាលសមាគមរៀបចំពិធីសំណេះសំណាល និងធ្វើការឧបត្ថម្ភជាថវិកាជូននិវត្តជនគ្រប់ៗគ្នា ទាំងនៅរាជធានីភ្នំពេញ និងបណ្តាខេត្ត ទទួលបាននូវថវិកាស្មើៗគ្នា ខុសគ្នាត្រង់ថា នៅរាជធានីភ្នំពេញ ឯកឧត្តមអតីតរដ្ឋមន្ត្រីរមែងបានជួបសំណេះសំណាលសួរសុខទុក្ខដោយផ្ទាល់ ចំណែកនៅតាមបណ្តាខេត្តវិញ ពិធីនេះត្រូវធ្វើតាមរយៈប្រធានមន្ទីរប្រៃសណីយ៍និងទូរគមនាគមន៍ខេត្តនិងគណៈកម្មាធិការសមាគមតាមមូលដ្ឋាន។
លោកស្រី សៅ សារឿន តំណាងសមាគមបុគ្គលិកមន្ទីរប្រៃសណីយ៍និងទូរគមនាគមន៍ខេត្តព្រៃវែង មានប្រសាសន៍ថា ការបំពេញភារកិច្ចរបស់គណៈកម្មាធិការកណ្តាលក្នុងអាណត្តិទី៦កន្លងមកបានធ្វើឲ្យសមាជិក សមាជិកាសមាគមទូទាំងប្រទេសដែលទទួលរងនូវវិបត្តិ គ្រោះភ័យ ទទួលបាននូវប្រាក់ឧបត្ថម្ភបានទាន់ពេលវេលា និងគ្រប់ចំនួនស្របតាមការកំណត់ក្នុងលក្ខន្តិកៈរបស់សមាគម។ តាមលក្ខន្តិកៈរបស់សមាគម សមាជិក សមាជិកាសមាគមដែលទទួលរងនូវវិបត្តិគ្រោះភ័យ ដូចជា មានជម្ងឺវះកាត់ធ្ងន់ធ្ងរ, ភ្លើងឆេះផ្ទះ, កូនក្នុងបន្ទុកទទួលមរណភាព ទទួលបានប្រាក់ឧបត្ថម្ភចំនួន ២០០.០០០រៀល, គ្រួសារសមាជិក សមាជិកាសមាគមទទួលមរណភាពទទួលបានប្រាក់ឧបត្ថម្ភចំនួន ៦០០.០០០រៀល, សមាជិក សមាជិកាសមាគមទទួលមរណភាព ទទួលបានប្រាក់ឧបត្ថម្ភចំនួន១.២០០.០០០រៀល និងមានគ្រួសារ (ប្តី ប្រពន្ធ) ជាសមាជិកទាំងពីរនាក់ ពេលមានសមាជិកណាម្នាក់ទទួលមរណភាព ទទួលបានប្រាក់ឧបត្ថម្ភចំនួន១.៨០០.០០០រៀល។ ប្រាក់ឧបត្ថម្ភនេះថ្វីបើតិចតួចមែន ប៉ុន្តែអាចជួយសម្រួលដល់គ្រួសារមានវិបត្តិគ្រោះភ័យបានមួយចំណែកផងដែរ។
បន្ទាប់ពីការបោះឆ្នោតនិងរាប់សន្លឹកឆ្នោតដើម្បីជ្រើសបេក្ខជនចំនួន១១រូបក្នុងចំណោម២០រូបក្នុងការដឹកនាំការងារសមាគមសម្រាប់អាណត្តិទី៧ ឆ្នាំ២០១៤ – ២០១៥ ជាបន្តទៀត រួចមក ឯកឧត្តម ប្រាក់ សុខុន រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានគាំទ្រទាំងស្រុងចំពោះគណៈកម្មាធិការកណ្តាលសមាគមអាណត្តិទី៧នេះ ហើយក៏បានណែនាំនូវនីតិវិធីក្នុងការបោះឆ្នោតសម្រាប់អាណត្តិក្រោយៗទៀតឲ្យមានភាពត្រឹមត្រូវនិងតម្លាភាពដែលអាចទទួលយកបានទាំងអស់គ្នា។
ឯកឧត្តមរដ្ឋមន្ត្រីបានបន្តទៀតថា សន្និបាតសមាគមនាពេលនេះ គឺជាសកម្មភាព មិត្តភាពរួមមួយដែលមានលទ្ធភាពប្រមូលផ្តុំទាំងបញ្ញាញាណបទពិសោធន៍ចាស់ទុំ ដើម្បីរួមគ្នា បម្រើវិស័យប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន ដែលជាសរសៃឈាមនៃសេដ្ឋកិច្ចជាតិ។ កិច្ចពិភាក្សានៅក្នុងសន្និបាតនេះ ក៏ជាការបញ្ជាក់យ៉ាងជាក់ស្តែងនូវការពង្រឹងពង្រីកស្មារតីសាមគ្គីភាព ឯកភាព និងជាគម្រូល្អប្រពៃក្នុងការជួយរម្លែកទុក្ខគ្នាក្នុងគ្រាដែលមានសមាជិក សមាជិកាណាម្នាក់ជួបគ្រោះភ័យ។
ឯកឧត្តមរដ្ឋមន្ត្រីក៏បានលើកឡើងទៀតថា ទន្ទឹមនឹងចំណុចល្អៗ ក៏នៅមានចំណុចអសកម្មមួយចំនួនដែលគណៈកម្មាធិការកណ្តាលអាណត្តិទី៧នេះត្រូវយកមកធ្វើជាប្រធានបទពិភាក្សា ពិចារណារិះរកមធ្យោបាយគ្រប់ជ្រុងជ្រោយ ដើម្បីប្រមូលផ្តុំគំនិតបញ្ញាថ្មីក្លាយជាគំនិតរួម បទពិសោធន៍រួម សម្រាប់ដោះស្រាយជួយបង្កើនថវិកា ដើម្បីជួយឧបត្ថម្ភទៅតាមលទ្ធភាពដែលអាចធ្វើបានសម្តៅជួយកាត់បន្ថយការលំបាករបស់សមាជិក សមាជិកា សមាគម។
គួររម្លឹកថា គណៈកម្មាធិការកណ្តាលសមាគមបុគ្គលិកប្រៃសណីយ៍និងទូរគមនាគមន៍បានធ្វើការបោះឆ្នោតជ្រើសរើសបេក្ខជនចំនួន១១រូបក្នុងចំណោម២០រូបឲ្យដឹកនាំការងារសមាគមបន្តក្នុងអាណត្តិ៧ ឆ្នាំ២០១៤ – ២០១៥៕
លោកព្រុំ សុន្ថារ ប្រធានសមាគមបុគ្គលិកប្រៃសណីយ៍ និងទូរគមនាគមន៍កម្ពុជា មានប្រសាសន៍ថា អតីតរដ្ឋមន្ត្រីក្រសួងប្រៃសណីយ៍ និងទូរគមនាគមន៍ ឯកឧត្តម សូរ ឃុន បានអនុញ្ញាតឲ្យបង្កើតសមាគមនេះចាប់តាំពីខែមេសា ឆ្នាំ១៩៩៩ ហើយមកដល់ពេលនេះមានរយៈពេល១៤ឆ្នាំហើយ។ គោលបំណងនៃការបង្កើតសមាគមបុគ្គលិកប្រៃសណីយ៍និងទូរគមនាគមន៍កម្ពុជា គឺដើម្បីពង្រឹងសាមគ្គីភាពរវាងមន្ត្រីរាជការគ្រប់លំដាប់ថ្នាក់នៃក្រសួងប្រៃសណីយ៍ និងទូរគមនាគមន៍ ទោះបីមន្ត្រីទាំងនោះចូលនិវត្តន៍ ឬឈប់សម្រាកពីការងារក៏ដោយ ក៏យើងគ្រប់គ្នានៅតែជួយឧបត្ថម្ភគ្នាទៅវិញទៅមកនៅពេលមានវិបត្តិភ័យនៃជីវិត។ ជាពិសេស ឯកឧត្តមអតីតរដ្ឋមន្ត្រី តែងតែសម្រេចឲ្យគណៈកម្មាធិការកណ្តាលសមាគមរៀបចំពិធីសំណេះសំណាល និងធ្វើការឧបត្ថម្ភជាថវិកាជូននិវត្តជនគ្រប់ៗគ្នា ទាំងនៅរាជធានីភ្នំពេញ និងបណ្តាខេត្ត ទទួលបាននូវថវិកាស្មើៗគ្នា ខុសគ្នាត្រង់ថា នៅរាជធានីភ្នំពេញ ឯកឧត្តមអតីតរដ្ឋមន្ត្រីរមែងបានជួបសំណេះសំណាលសួរសុខទុក្ខដោយផ្ទាល់ ចំណែកនៅតាមបណ្តាខេត្តវិញ ពិធីនេះត្រូវធ្វើតាមរយៈប្រធានមន្ទីរប្រៃសណីយ៍និងទូរគមនាគមន៍ខេត្តនិងគណៈកម្មាធិការសមាគមតាមមូលដ្ឋាន។
លោកស្រី សៅ សារឿន តំណាងសមាគមបុគ្គលិកមន្ទីរប្រៃសណីយ៍និងទូរគមនាគមន៍ខេត្តព្រៃវែង មានប្រសាសន៍ថា ការបំពេញភារកិច្ចរបស់គណៈកម្មាធិការកណ្តាលក្នុងអាណត្តិទី៦កន្លងមកបានធ្វើឲ្យសមាជិក សមាជិកាសមាគមទូទាំងប្រទេសដែលទទួលរងនូវវិបត្តិ គ្រោះភ័យ ទទួលបាននូវប្រាក់ឧបត្ថម្ភបានទាន់ពេលវេលា និងគ្រប់ចំនួនស្របតាមការកំណត់ក្នុងលក្ខន្តិកៈរបស់សមាគម។ តាមលក្ខន្តិកៈរបស់សមាគម សមាជិក សមាជិកាសមាគមដែលទទួលរងនូវវិបត្តិគ្រោះភ័យ ដូចជា មានជម្ងឺវះកាត់ធ្ងន់ធ្ងរ, ភ្លើងឆេះផ្ទះ, កូនក្នុងបន្ទុកទទួលមរណភាព ទទួលបានប្រាក់ឧបត្ថម្ភចំនួន ២០០.០០០រៀល, គ្រួសារសមាជិក សមាជិកាសមាគមទទួលមរណភាពទទួលបានប្រាក់ឧបត្ថម្ភចំនួន ៦០០.០០០រៀល, សមាជិក សមាជិកាសមាគមទទួលមរណភាព ទទួលបានប្រាក់ឧបត្ថម្ភចំនួន១.២០០.០០០រៀល និងមានគ្រួសារ (ប្តី ប្រពន្ធ) ជាសមាជិកទាំងពីរនាក់ ពេលមានសមាជិកណាម្នាក់ទទួលមរណភាព ទទួលបានប្រាក់ឧបត្ថម្ភចំនួន១.៨០០.០០០រៀល។ ប្រាក់ឧបត្ថម្ភនេះថ្វីបើតិចតួចមែន ប៉ុន្តែអាចជួយសម្រួលដល់គ្រួសារមានវិបត្តិគ្រោះភ័យបានមួយចំណែកផងដែរ។
បន្ទាប់ពីការបោះឆ្នោតនិងរាប់សន្លឹកឆ្នោតដើម្បីជ្រើសបេក្ខជនចំនួន១១រូបក្នុងចំណោម២០រូបក្នុងការដឹកនាំការងារសមាគមសម្រាប់អាណត្តិទី៧ ឆ្នាំ២០១៤ – ២០១៥ ជាបន្តទៀត រួចមក ឯកឧត្តម ប្រាក់ សុខុន រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានគាំទ្រទាំងស្រុងចំពោះគណៈកម្មាធិការកណ្តាលសមាគមអាណត្តិទី៧នេះ ហើយក៏បានណែនាំនូវនីតិវិធីក្នុងការបោះឆ្នោតសម្រាប់អាណត្តិក្រោយៗទៀតឲ្យមានភាពត្រឹមត្រូវនិងតម្លាភាពដែលអាចទទួលយកបានទាំងអស់គ្នា។
ឯកឧត្តមរដ្ឋមន្ត្រីបានបន្តទៀតថា សន្និបាតសមាគមនាពេលនេះ គឺជាសកម្មភាព មិត្តភាពរួមមួយដែលមានលទ្ធភាពប្រមូលផ្តុំទាំងបញ្ញាញាណបទពិសោធន៍ចាស់ទុំ ដើម្បីរួមគ្នា បម្រើវិស័យប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន ដែលជាសរសៃឈាមនៃសេដ្ឋកិច្ចជាតិ។ កិច្ចពិភាក្សានៅក្នុងសន្និបាតនេះ ក៏ជាការបញ្ជាក់យ៉ាងជាក់ស្តែងនូវការពង្រឹងពង្រីកស្មារតីសាមគ្គីភាព ឯកភាព និងជាគម្រូល្អប្រពៃក្នុងការជួយរម្លែកទុក្ខគ្នាក្នុងគ្រាដែលមានសមាជិក សមាជិកាណាម្នាក់ជួបគ្រោះភ័យ។
ឯកឧត្តមរដ្ឋមន្ត្រីក៏បានលើកឡើងទៀតថា ទន្ទឹមនឹងចំណុចល្អៗ ក៏នៅមានចំណុចអសកម្មមួយចំនួនដែលគណៈកម្មាធិការកណ្តាលអាណត្តិទី៧នេះត្រូវយកមកធ្វើជាប្រធានបទពិភាក្សា ពិចារណារិះរកមធ្យោបាយគ្រប់ជ្រុងជ្រោយ ដើម្បីប្រមូលផ្តុំគំនិតបញ្ញាថ្មីក្លាយជាគំនិតរួម បទពិសោធន៍រួម សម្រាប់ដោះស្រាយជួយបង្កើនថវិកា ដើម្បីជួយឧបត្ថម្ភទៅតាមលទ្ធភាពដែលអាចធ្វើបានសម្តៅជួយកាត់បន្ថយការលំបាករបស់សមាជិក សមាជិកា សមាគម។
គួររម្លឹកថា គណៈកម្មាធិការកណ្តាលសមាគមបុគ្គលិកប្រៃសណីយ៍និងទូរគមនាគមន៍បានធ្វើការបោះឆ្នោតជ្រើសរើសបេក្ខជនចំនួន១១រូបក្នុងចំណោម២០រូបឲ្យដឹកនាំការងារសមាគមបន្តក្នុងអាណត្តិ៧ ឆ្នាំ២០១៤ – ២០១៥៕
