លោកជំទាវ រស់ សូរក្ខា បានដឹកនាំគណៈប្រតិភូកម្ពុជាទៅចូលរួមក្នុង ព្រឹត្តិការណ៍តាំងពិព័រណ៌ នៅប្រទេសម៉ាឡេស៊ី

          តំណាងដ៏ខ្ពង់ខ្ពស់របស់ឯកឧត្តមរដ្ឋមន្ត្រី ប្រាក់ សុខុន និងជារដ្ឋលេខាធិការក្រសួងប្រៃសណីយ៍ និងទូរគមនាគមន៍ លោកជំទាវ រស់ សូរក្ខា បានដឹកនាំគណៈប្រតិភូមួយក្រុមដែលមានសមាសភាពមកពីក្រសួងប្រៃសណីយ៍ និងទូរគមនាគមន៍ ក្រុមហ៊ុន និងអង្គការមិនមែនរដ្ឋាភិបាល សរុបចំនួន ២៥ រូប អញ្ជើញទៅចូលរួមក្នុងព្រឹត្តិការណ៍តាំងពិព័រណ៌ KL Converge 2015 នៅប្រទេសម៉ាឡេស៊ី ចាប់ពីថ្ងៃទី២៧ ដល់ថ្ងៃទី២៩ ខែសីហា ឆ្នាំ២០១៥។  ព្រឹត្តិការណ៍នេះក៏មានសមាសភាពចូលរួមពីប្រទេសសមាជិកអាស៊ានទាំងអស់ រួមទាំងប្រទេសចិន ជប៉ុន និងកូរ៉េខាងត្បូងផងដែរ។
          ព្រឹត្តិការណ៍តាំងពិព័រណ៌ KL Converge 2015 ត្រូវបានបើកជាផ្លូវការដោយឯកឧត្តមបណ្ឌិត Salleh Said Keruak រដ្ឋមន្រ្តីក្រសួងគមនាគមន៍ និងប្រព័ន្ធព័ត៌មានម៉ាឡេស៊ី ដោយមានមតិស្វាគមន៍ពី ឯកឧត្តម Houlin Zhao អគ្គលេខាធិការអង្គការ ITU។

          គោលបំណងសំខាន់នៃព្រឹត្តិការណ៍នេះគឺ បង្កើតជាវេទិការថ្នាក់តំបន់មួយ សម្រាប់ដាក់តាំងបង្ហាញផលិតផល/ គំនិតច្នៃប្រឌិតថ្មីៗ របស់ ប្រទេស នីមួយៗ  ចែករំលែកបទពិសោធន៍ល្អៗ    បង្កើតបណ្តាញការងារបង្កើត​ឱកាសវិនិយោគក៏ដូចជាបង្កើត និងពង្រឹងកិច្ចសហប្រតិបត្តិការ រវាងអ្នកជំនួញក្នុង តំបន់។

          នាយកដ្ឋានឧស្សាហកម្មបច្ចេកវិទ្យាគមនាគមន៍ និងព័ត៌មាន នៃក្រសួងប្រៃសណីយ៍ និងទូរគមនាគមន៍បានជ្រើសរើសអ្នកទៅចូលរួមតាំងពិព័រណ៌ ដែលមានសមាសភាពចំរុះមកពីស្ថាប័នផ្សេងៗក្នុងព្រះរាជាណាចក្រកម្ពុជាឲ្យចូលរួមក្នុងព្រឹត្តិការណ៍នេះ ដូចមានរាយនាមខាងក្រោម ៖