កិច្ចប្រជុំជាមួយក្រុមការងារលេខាធិការដ្ឋាននៃគណៈកម្មាធិការត្រួតពិនិត្យ និងវាយតម្លៃចំណូលមិនមែនសារពើពន្ធ (គមព) នៃក្រសួងសេដ្ឋកិច្ចនិងហិរញ្ញវត្ថុ
![](https://asset.cambodia.gov.kh/mptc/2020/03/HiUdJ6VW-image-2018-8-8-144400.jpg)
រាជធានីភ្នំពេញ៖ រសៀលថ្ងៃអង្គារ ១១រោច ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៧ ខែសីហា ឆ្នាំ២០១៨ នៅទីស្ដីការក្រសួង ឯកឧត្ដម លីវ គឹមហេង អគ្គនាយក នៃអគ្គនាយកដ្ឋានរដ្ឋបាល បានអញ្ជើញដឹកនាំក្រុមការងារក្រសួងប្រជុំជាមួយក្រុមការងារលេខាធិការដ្ឋាននៃគណៈកម្មាធិការត្រួតពិនិត្យ និងវាយតម្លៃចំណូលមិនមែនសារពើពន្ធ (គមព) នៃក្រសួងសេដ្ឋកិច្ចនិងហិរញ្ញវត្ថុ ដើម្បី ១/.ស្ដាប់បទបង្ហាញក្រុមការងារលេខាធិការដ្ឋានស្ដីពីក្របខ័ណ្ឌនៃការរៀបចំសេចក្ដីព្រាងយុទ្ធសាស្ត្រកៀរគរចំណូលឆ្នាំ២០១៩-២០២៣ ផ្នែកចំណូលមិនមែនសារពើពន្ធ និងស្មើសុំផ្ដល់មតិយោបល់លើទម្រង់ បញ្ហា និងវិធានការជាក់លាក់។ ២/.ពិភាក្សាលើបញ្ហាប្រឈមនានាពាក់ព័ន្ធនឹងប្រភពចំណូលផ្សេងៗ និងការតឹងទារបំណុលរបស់ក្រសួង ប.ទ.ក៏ដូចជា បញ្ហាពាក់ព័ន្ធផ្សេងៗនៅក្នុងការគ្រប់គ្រង និងការប្រមូលចំណូលមិនមែនសារពើពន្ធព្រមជាមួយវិធានការជាក់លាក់សម្រាប់ឆ្នាំ២០១៩-២០២៣ ដោយបែងចែកជាវិធានការរយៈពេលខ្លី និងមធ្យម៕