ឯកឧត្ដមរដ្ឋមន្ត្រី ត្រាំ អុីវតឹក អនុញ្ញាតឱ្យប្រតិភូរដ្ឋបាលជាតិអវកាសចិន ចូលជួបសម្ដែងការគួរសម និងពិភាក្សាការងារ នៅស្ដីការក្រសួង
![](https://asset.cambodia.gov.kh/mptc/2020/03/ntpAQE6m-image-2018-10-13-131100.jpg)
រាជធានីភ្នំពេញ៖ រសៀលថ្ងៃសុក្រ ៣កើត ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១២ ខែតុលា ឆ្នាំ២០១៨ ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអនុញ្ញាតឱ្យប្រតិភូរដ្ឋបាលជាតិអវកាសចិន ដឹកនាំដោយឯកឧត្ដម WU Yanhua អនុប្រធានរដ្ឋបាលជាតិអវកាសចិន ចូលជួបសម្ដែងការគួរសម និងពិភាក្សាការងារ នៅស្ដីការក្រសួង។
រដ្ឋបាលជាតិអវកាសចិន (CNSA – China National Space Administration) ជាស្ថាប័នរបស់រដ្ឋាភិបាលនៃសាធារណរដ្ឋប្រជាមានិតចិន ទទួលបន្ទុកការងារគ្រប់គ្រងសកម្មភាពអវកាសសម្រាប់ការប្រើប្រាស់ស៊ីវិល និងកិច្ចសហប្រតិបត្តិការអវកាសអន្តរជាតិ។ ដំណើរទស្សនកិច្ចរបស់ប្រតិភូរដ្ឋបាលជាតិអវកាសចិននៅកម្ពុជានាពេលនេះ មានគោលបំណងដើម្បីបន្តពង្រឹង និងពង្រីកលើកិច្ចសហប្រតិបត្តិការរវាងរដ្ឋបាលជាតិអវកាសចិន ជាមួយក្រសួងប្រៃសណីយ៍និងទូរគមនាគមន៍ ពិសេសលើកិច្ចសហប្រតិបត្តិការគម្រោងមជ្ឈមណ្ឌលសហប្រតិបត្តិការព័ត៌មានលំហអាកាសក្នុងតំបន់ទន្លេមេគង្គ(MeSIC) និងគម្រោងបង្ហោះផ្កាយរណប៕