ឯកឧត្ដមរដ្ឋមន្ត្រី ត្រាំ អុីវតឹក អញ្ជើញដឹកនាំកិច្ចប្រជុំក្រុមប្រឹក្សាភិបាលមូលនិធិ នៃការកសាងសមត្ថភាព និងការស្រាវជ្រាវ និងការអភិវឌ្ឍ លើវិស័យទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន លើកទី១៣
ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានក្រុមប្រឹក្សាភិបាលមូលនិធិស.អ.
រាជធានីភ្នំពេញ៖ នារសៀលថ្ងៃអង្គារ ០៩កើត ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១១ ខែមិថុនា ឆ្នាំ២០១៩ នៅទីស្តីការក្រសួង ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានក្រុមប្រឹក្សាភិបាលមូលនិធិនៃការកសាងសមត្ថភាព និងការស្រាវជ្រាវ និងការអភិវឌ្ឍលើវិស័យទូរគមនាគមន៍ បច្ចេកវិទ្យាគមនាគមន៍ និងព័ត៌មាន បានអញ្ជើញដឹកនាំកិច្ចប្រជុំក្រុមប្រឹក្សាភិបាលមូលនិធិ (មូលនិធិ ស.អ.- CBRD Fund) លើកទី១៣ ដើម្បីពិនិត្យពិភាក្សាលើរបៀបវារៈស្តីពី៖
(១). របាយការណ៍ហិរញ្ញវត្ថុរបស់ (មូលនិធិ ស.អ. – CBRD Fund) ប្រចាំឆ្នាំ២០១៧-២០១៨ និងដំណើរការវឌ្ឍនភាពការងារ របស់លេខាធិការដ្ឋាន (មូលនិធិ ស.អ. – CBRD Fund)។
(២). ការស្នើសុំទូទាត់គម្រោងអនុវត្តន៍រួច ឆ្នាំ២០១៨ (Offset Projects 2018)។
(៣). វឌ្ឍនភាព នៃអនុវត្តន៍គម្រោងបំពាក់កុំព្យូរទ័រ និងសម្ភារបច្ចេកវិទ្យា សម្រាប់គាំទ្រការបង្រៀនបច្ចេកវិទ្យាគមនាគមន៍ និងព័ត៌មាន នៅតាមមធ្យមសិក្សាទុតិយភូមិ ចំនួន ២០វិទ្យាល័យក្នុងក្របខណ្ឌ (មូលនិធិ ស.អ. – CBRD Fund) ដែលបានចុះកិច្ចព្រមព្រៀងរវាង ក្រុមប្រឹក្សា (មូលនិធិ ស.អ. – CBRD Fund) ក្រសួងអប់រំ យុវជន និងកីឡា និងក្រុមហ៊ុនវៀតធេល ចុះថ្ងៃទី១៨ ខែមករា ឆ្នាំ២០១៩។
(៤). សំណើសុំអនុវត្តន៍គម្រោង សម្រាប់ឆ្នាំ២០១៩៕
ឯកឧត្តម កាន ច័ន្ទមេត្តា រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាអនុប្រធានទី១ នៃមូលនិធិស.អ.
