កិច្ចប្រជុំក្រុមការងារអន្តរក្រសួង ដើម្បីត្រួតពិនិត្យការគ្រប់គ្រងស៊ីមកាតរបស់ប្រតិបត្តិករទូរសព្ទចល័ត

រាជធានីភ្នំពេញ៖ នាព្រឹកថ្ងៃអង្គារ ០៨កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែកក្កដា ឆ្នាំ២០២០ នៅទីស្តីការក្រសួង ឯកឧត្តម លីវ សុផាណារិទ្ធ អនុរដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំកិច្ចប្រជុំក្រុមការងារអន្តរក្រសួងចុះត្រួតពិនិត្យការគ្រប់គ្រងស៊ីមកាតរបស់ប្រតិបត្តិករទូរសព្ទចល័ត សាខាលក់ និងការចែកចាយស៊ីមកាតមិនថតចំលងអត្តសញ្ញាណបណ្ណ ឬលិខិតសម្គាល់អត្តសញ្ញាណផ្សេងៗ ក្នុងគោលបំណងដើម្បីត្រួតពិនិត្យការគ្រប់គ្រងស៊ីមកាតរបស់ប្រតិបត្តិករទូរសព្ទចល័ត។ កិច្ចប្រជុំនេះមានការអញ្ជើញចូលរួមពី ឯកឧត្តម លោក លោកស្រី ជាសមាជិក សមាជិកា នៃក្រុមការងារ៕

-រូបថតដោយ ពត សែមតារារដ្ឋ
-បកប្រែជាភាសាអង់គ្លេសដោយ ថន សុធារិន