CamSA22-52: ចំណុចខ្សោយធ្ងន់ធ្ងរមាននៅក្នុងផលិតផលក្រុមហ៊ុន VMware
១. ព័ត៌មានទូទៅ
នាពេលថ្មីៗនេះក្រុមហ៊ុន VMware បានចេញសេចក្តីណែនាំសន្តិសុខ (VMSA-2022-0031) និង (VMSA-2022-0033) បន្ទាន់មួយអំពីការទប់ស្កាត់ទៅលើភាពងាយរងគ្រោះ និងដើម្បីបិទចន្លោះប្រហោង (ចំណុចខ្សោយ) ចំនួន២ ដែលមាននៅក្នុងកម្មវិធី VMware vRealize Network Insight (vRNI), VMware ESXi, Workstation, និង Fusion ។
- CVE-2022-31702: ចំណុចខ្សោយនេះមាននៅក្នុងកម្មវិធី VMware vRealize Network Insight ដោយសារតែកម្មវិធីមិនបានធ្វើការត្រួតពិនិត្យសុពលភាពឱ្យបានត្រឹមត្រូវនៅក្នុង vRNI REST API ដែលអាចអនុញ្ញាតឱ្យចោរព័ត៌មានវិទ្យា ឬហេកគ័រ អាចធ្វើការផ្ញើសំណើពិសេស REST API នៅក្នុងប្រព័ន្ធ និងអាចធ្វើប្រតិបត្តិកូដបំពាននៅលើប្រព័ន្ធដែលជាគោលដៅបានដោយជោគជ័យ
- CVE-2022-31705: ចំណុចខ្សោយនេះមាននៅក្នុងកម្មវិធី VMware ESXi, Workstation, និង Fusionដោយសារតែកម្មវិធីមានកំហុសឆ្គង boundary នៅក្នុង USB 2.0 controller (EHCI)។ ចោរព័ត៌មានវិទ្យា ឬហេកគ័រ ឬ អ្នកប្រើប្រាស់ដែលមានសិទ្ធិក្នុងតំបន់នៅលើប្រព័ន្ធ អាចធ្វើការវាយប្រហារពីចម្ងាយបាន និងប្រតិបត្តិកូដបំពាននៅពេលកំពុងដំណើរការម៉ាស៊ីននិម្មិត VMX ដែលរងផលប៉ះពាល់បានដោយជោគជ័យ
២. ផលិតផលដែលរងផលប៉ះពាល់
- – VMware vRealize Network Insight (vRNI)
- – VMware ESXi
- – VMware Workstation Pro / Player (Workstation)
- – VMware Fusion Pro / Fusion (Fusion)
- – VMware Cloud Foundation
៣. ផលវិបាក
ការវាយប្រហារដោយជោគជ័យលើចំណុចខ្សោយខាងលើនេះអាចអនុញ្ញាតឱ្យចោរព័ត៌មានវិទ្យា ឬហេកគ័រលួចចូលក្នុងប្រព័ន្ធហើយអាចធ្វើការផ្លាស់ប្តូរ ឬលុបទិន្នន័យនិងបង្កើតគណនីថ្មីជាដើម និងអាចគ្រប់គ្រងលើប្រព័ន្ធទាំងមូលបានតែម្តង។
៤. អនុសាសន៍ណែនាំ
ការិយាល័យ CamCERT សូមផ្តល់អនុសាសន៍ឱ្យអ្នកគ្រប់គ្រងប្រព័ន្ធ និងអ្នកប្រើប្រាស់ទាំងអស់ធ្វើការអាប់ដេតជាបន្ទាន់តាមដែលអាចធ្វើទៅបាន។
៥. ឯកសារពាក់ព័ន្ធ
- – https://www.cisa.gov/uscert/ncas/current-activity/2022/12/13/vmware-releases-security-updates-multiple-products
- – https://www.vmware.com/security/advisories/VMSA-2022-0031.html
- – https://www.vmware.com/security/advisories/VMSA-2022-0033.html
