សកម្មភាពក្រសួង

ព្រឹកថ្ងៃទី១៨ ខែមករា ឆ្នាំ២០១៧ លោកជំទាវ រស់ សូរក្ខា រដ្ឋលេខាធិការក្រសួងប្រៃសណីយ៍ និងទូរគមនាគមន៍ អញ្ជើញដឹកនាំកិច្ចប្រជុំពិនិត្យពិភាក្សាសេចក្ដីព្រាងឧបសម្ព័នទី១ ដល់ទី៦ នៃប្រកាសស្ដីពីការភ្ជាប់ និងផ្ដល់ទិន្នន័យសេវាទូរគមនាគមន៍និងព័ត៌មានវិទ្យា នៅទីស្ដីការក្រសួង។

ព្រឹកថ្ងៃទី១៨ ខែមករា ឆ្នាំ២០១៧ ឯកឧត្ដម ខាយ ឃុនហេង រដ្ឋលេខាធិការ និងជាប្រធានក្រុមការងារទទួលបន្ទុកសម្របសម្រួលនិងជំរុញការអនុវត្តគោលនយោបាយអភិវឌ្ឍន៍វិស័យឧស្សាហកម្មកម្ពុជាឆ្នាំ២០១៥-២០២៥ របស់ក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំកិច្ចប្រជុំពិភាក្សាអំពីការអនុវត្តផែនការសកម្មភាពគោលនយោបាយអភិវឌ្ឍន៍វិស័យឧស្សាហកម្មកម្ពុជាឆ្នាំ២០១៥-២០២៥ របស់ក្រសួងប្រៃសណីយ៍ និងទូរគមនាគមន៍។

រសៀលថ្ងៃទី១៧ ខែមករា ឆ្នាំ២០១៧ ឯកឧត្ដម កុយ ពុំ អនុរដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជានាយកខុទ្ទកាល័យ អញ្ជើញដឹកនាំកិច្ចប្រជុំក្រុមការងារអន្តរក្រសួងពិនិត្យវាយតម្លៃលើការសាងសង់អាគារ ០១ខ្នងជូនទូរគមនាគមន៍កម្ពុជា។

ព្រឹកថ្ងៃទី១៧ ខែមករា ឆ្នាំ២០១៧ ឯកឧត្ដម មាស ប៉ូ អនុរដ្ឋលេខាធិការក្រសួងប្រៃសណីយ៍ និងទូរគមនាគមន៍ អញ្ជើញដឹកនាំកិច្ចប្រជុំពិភាក្សាការងាររបស់ក្រុមអ្នកនាំពាក្យក្រសួងប្រៃសណីយ៍ និងទូរគមនាគមន៍ នៅទីស្ដីការក្រសួង។

ព្រឹកថ្ងៃទី១៣ ខែមករា ឆ្នាំ២០១៧ ឯកឧត្ដម តុល ញ៉ក់ អគ្គនាយក នៃអគ្គនាយកដ្ឋានប្រៃសណីយ៍ និងទូរគមនាគមន៍អញ្ជើញជាអធិបតីក្នុងវេទិកាធ្វើបទបង្ហាញរបស់មន្ត្រីក្រោមចំណុះនៃអគ្គនាយកដ្ឋានប្រៃសណីយ៍ និងទូរគមនាគមន៍ដែលបានចូលរួមក្នុងវេទិកានិងសិក្ខាសាលានៅក្រៅប្រទេសពាក់ព័ន្ធនឹងគោលនយោបាយអ៊ិនធឺណិតល្បើនលឿន និងកាតព្វកិច្ចសេវាសកល នៅទីស្ដីការក្រសួង។

រសៀលថ្ងៃទី១២ ខែមករា ឆ្នាំ២០១៧ លោកជំទាវ រស់ សូរក្ខា រដ្ឋលេខាធិការក្រសួងប្រៃសណីយ៍ និងទូរគមនាគមន៍ អញ្ជើញដឹកនាំកិច្ចប្រជុំពិភាក្សាលើសេចក្ដីព្រាងប្រកាសស្ដីពីការតភ្ជាប់ និងការផ្ដល់ទិន្នន័យសេវាទូរគមនាគមន៍ និងព័ត៌មានវិទ្យា នៅទីស្ដីការក្រសួង។

ព្រឹកថ្ងៃទី១២ ខែមករា ឆ្នាំ២០១៧ ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយផែនការរបស់រាជរដ្ឋាភិបាលស្ដីពីយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១ នៅទីស្ដីការក្រសួង ដោយមានការអញ្ជើញចូលរួមពីសំណាក់ថ្នាក់ដឹកនាំ មន្ត្រីរាជការ មន្ទីរ​ ប.ទ និងអង្គភាពក្រោមចំណុះក្រសួងផងដែរ។

លោកជំទាវ ជ្រឹង បុទុមរង្សី អនុរដ្ឋលេខាធិការក្រសួងប្រៃសណីយ៍ និងទូរគមនាគមន៍ អញ្ជើញដឹកនាំកិច្ចប្រជុំពិភាក្សាពីការរៀបចំធ្វើបច្ចុប្បន្នភាពក្រុមការងារគ្រប់គ្រងគេហទំព័រ និងបណ្ដាញទំនាក់ទំនងសង្គម (Facebook) របស់ក្រសួងប្រៃសណីយ៍ និងទូរគមនាគមន៍ នាព្រឹកថ្ងៃទី​១១ ខែ​មករា ឆ្នាំ២០១៧ នៅទីស្ដីការក្រសួង។

ឯកឧត្ដម កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំកិច្ចប្រជុំអន្តរក្រសួងដើម្បីពិនិត្យលើចំនុចអាទិភាពលើគម្រោងបង្កើតមជ្ឈមណ្ឌលសហប្រតិបត្តិការព័ត៌មានលំហអាកាសក្នុងតំបន់ទន្លេមេគង្គ នារសៀលថ្ងៃទី០៤ ខែមករា ឆ្នាំ២០១៧ នៅទីស្ដីការក្រសួង។

ព្រឹកថ្ងៃទី៣០ ខែធ្នូ ឆ្នាំ២០១៦ ឯកឧត្ដម ខាយ ឃុនហេង រដ្ឋលេខាធិការ និងជាប្រធានគណៈកម្មាធិការប្រយុទ្ធនឹងជំងឺអេដស៏ក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំកិច្ចប្រជុំពិភាក្សាការងាររបស់គណៈកម្មាធិការប្រយុទ្ធនឹងជំងឺអេដស៏ក្រសួងប្រៃសណីយ៍ និងទូរគមនាគមន៍ ដើម្បីពិនិត្យបូកសរុបរបាយការណ៍លទ្ធផលសកម្មភាពការងារឆ្នាំ២០១៦ និងរៀបចំគម្រោងផែនការសកម្មភាពការងារឆ្នាំ២០១៧។