សកម្មភាពក្រសួង

នៅទីស្ដីការក្រសួងប្រៃសណីយ៍ និងទូរគមនាគមន៍ នាថ្ងែទី០៣ ខែឧសភា ឆ្នាំ២០១៦ ឯកឧត្ដមរដ្ឋមន្ត្រី ត្រាំ អុីវតឹក បានអញ្ជើញជាអធិបតីក្នុងពិធីប្រកាសតែងតាំង និងប្រគល់ភារកិច្ចជូន នាយកខុទ្ទកាល័យ អនុរដ្ឋលេខាធិការ អគ្គនាយក អគ្គនាយករង ទីប្រឹក្សាក្រសួង ជំនួយការក្រសួង ប្រធាននាយកដ្ឋាន និងអនុប្រធាននាយកដ្ឋាន។ ពិធីនេះក៏មានការអញ្ជើញចូលរួមពីសំណាក់ថ្នាក់ដឹកនាំ និងមន្ត្រីរាជការ នៃក្រសួងប្រៃសណីយ៍ និងទូរគមនាគមន៍ និងអ្នកតំណាងមកពីក្រសួងនិងស្ថានប័នពាក់ព័ន្ធ

ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ អញ្ជើញជាអធិបតីក្នុងកិច្ចប្រជំុស្តីពីការផ្សព្វផ្សាយគោលនយោបាយអភិវឌ្ឍន៍វិស័យទូរគមនាគមន៍ បច្ចេកវិទ្យាគមនាគមន៍ និងព័ត៌មាន ឆ្នាំ២០២០ នាព្រឹកថ្ងៃទី ២៨ ខែមេសា ឆ្នាំ២០១៦

នាព្រឹកថ្ងៃទី២១ ខែមេសា ឆ្នាំ២០១៦ ឯក ឧត្ដមរដ្ឋលេខាធិការ កាន ច័ន្ទមេត្តា បានដឹកនាំកិច្ចប្រជុំក្រុមការងារអន្តរក្រសួង ដើម្បីសិក្សា និងរៀបចំ អនុវត្តលក្ខខណ្ឌ និងនីតិវិធីនៃការដេញថ្លៃបន្ទារហ្វ្រេកង់ស៍វិទ្យុនៅសាលប្រជុំតូច ទីស្ដីការក្រសួងប្រៃសណីយ៍ និងទូរគមនាគមន៍។

វិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន (NIPTICT) ដោយមានកិច្ចសហប្រតិបត្តិការជាមួយវិទ្យាស្ថានជាតិបច្ចេកវិទ្យាគមនាគមន៍ និងព័ត៌មាន ជប៉ុន (NICT) លើការស្រាវជ្រាវ និងអភិវឌ្ឍន៍ដំណើរការភាសាខ្មែរក្នុងប្រព័ន្ធកុំព្យូទ័រ។ តាមរយៈកិច្ចសហប្រតិបត្តិការនេះ មជ្ឍមណ្ឌលស្រាវជ្រាវ និងអភិវឌ្ឍន៍ ដោយសហការជាមួយ NICT បានរៀបចំកិច្ចប្រជុំពិភាក្សាមួយលើគម្រោងស្រាវជ្រាវដំណើរការភាសាក្នុងប្រព័ន្ធកុំព្យូទ័រ (NLP) ដែលប្រព្រឹត្តទៅនារសៀលថ្ងៃទី២០ ខែមេសា ឆ្នាំ២០១៦ នៅសាលប្រជុំតូច ទីស្ដីការក្រសួងប្រៃសណីយ៍ និងទូរគមនាគមន៍ ជាមួយនឹងបណ្ដាសាកលវិទ្យាល័យក្នុងបណ្ដាប្រទេសអាស៊ាន។

ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍អញ្ជើញចូលរួមក្នុងពិធីសូត្រមន្ត រាប់បាត្រ និងសំណេះសំណាលជាមួយមន្ត្រីរាជការ និងនិវត្តន៍ជន ក្នុងឳកាសបុណ្យចូលឆ្នាំថ្មីប្រពៃណីជាតិ ឆ្នាំវក អដ្ឋស័ក ព.ស ២៥៦០ គ.ស ២០១៦ នាព្រឹកថ្ងៃទី០៨ ខែមេសា ឆ្នាំ២០១៦ នៅទីស្ដីការក្រសួង

ឯកឧត្ដម នាយឧត្ដមសេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអញ្ជើញជាអធិបតីក្នុងពិធីផ្ទេរតំណែងរដ្ឋមន្ត្រីក្រសួងប្រៃសណីយ៍ និងទូរគមនាគមន៍ នាថ្ងៃទី០៧ ខែមេសា ឆ្នាំ២០១៦ នៅទីស្ដីការក្រសួងប្រៃសណីយ៍ និងទូរគមនាគមន៍។

ឯកឧត្តម ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍អញ្ជើញជាអធិបតី ក្នុងពិធីសន្និបាតបូកសរុបលទ្ធផលការងារឆ្នាំ ២០១៥ និងទិសដៅឆ្នាំ ២០១៦ របស់ក្រសួងប្រៃសណីយ៍ និងទូរគមនាគមន៍ នៅទីស្តីការក្រសួង នាថ្ងៃទី ៣១ ខែ មីនា ឆ្នាំ ២០១៦ 

ឯកឧត្ដម ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ អញ្ជើញជាអធិបតីក្នុងពិធីសន្និបាតបូកសរុបលទ្ធផលការងារឆ្នាំ២០១៥ និងទិសដៅសម្រាប់ឆ្នាំ២០១៦ របស់ប្រៃសណីយ៍កម្ពុជា នាព្រឹកថ្ងៃទី៣០ ខែមីនា ឆ្នាំ២០១៦ នៅទីស្តីការប្រៃសណីយ៍កម្ពុជា

ឯកឧត្តម ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍អញ្ជើញជាអធិបតីក្នុងពិធីបញ្ចុះបឋមសិលាសាងសង់អគារអន្តេវាសិកដ្ឋាន និងសម្ពោធដាក់ឲ្យប្រើប្រាស់ជាផ្លូវការ អគារវិទ្យាសា្ថនជាតិ ប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន នៃក្រសួងប្រៃសណីយ៍ និងទូរគមនាគមន៍ ស្ថិតនៅភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ នាថ្ងៃទី ២៩ ខែ មីនា ឆ្នាំ ២០១៦ 

ឯកឧត្ដម ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអនុញ្ញាតឲ្យលោក Nikolay Nikiforov រដ្ឋមន្ត្រីទូរគមនាគមន៍ និងប្រព័ន្ធផ្សព្វផ្សាយសហព័ន្ធរុស្ស៊ីចូលជួបសម្ដែងការគួរសម និងពិភាក្សាការងារ នារសៀលថ្ងៃទី២៩ ខែមីនា ឆ្នាំ២០១៦ នៅទីស្ដីការក្រសួង