ព័ត៌មាន

រសៀលថ្ងៃទី១២ ខែមករា ឆ្នាំ២០១៧ លោកជំទាវ រស់ សូរក្ខា រដ្ឋលេខាធិការក្រសួងប្រៃសណីយ៍ និងទូរគមនាគមន៍ អញ្ជើញដឹកនាំកិច្ចប្រជុំពិភាក្សាលើសេចក្ដីព្រាងប្រកាសស្ដីពីការតភ្ជាប់ និងការផ្ដល់ទិន្នន័យសេវាទូរគមនាគមន៍ និងព័ត៌មានវិទ្យា នៅទីស្ដីការក្រសួង។

ព្រឹកថ្ងៃទី១២ ខែមករា ឆ្នាំ២០១៧ ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយផែនការរបស់រាជរដ្ឋាភិបាលស្ដីពីយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១ នៅទីស្ដីការក្រសួង ដោយមានការអញ្ជើញចូលរួមពីសំណាក់ថ្នាក់ដឹកនាំ មន្ត្រីរាជការ មន្ទីរ​ ប.ទ និងអង្គភាពក្រោមចំណុះក្រសួងផងដែរ។

លោកជំទាវ ជ្រឹង បុទុមរង្សី អនុរដ្ឋលេខាធិការក្រសួងប្រៃសណីយ៍ និងទូរគមនាគមន៍ អញ្ជើញដឹកនាំកិច្ចប្រជុំពិភាក្សាពីការរៀបចំធ្វើបច្ចុប្បន្នភាពក្រុមការងារគ្រប់គ្រងគេហទំព័រ និងបណ្ដាញទំនាក់ទំនងសង្គម (Facebook) របស់ក្រសួងប្រៃសណីយ៍ និងទូរគមនាគមន៍ នាព្រឹកថ្ងៃទី​១១ ខែ​មករា ឆ្នាំ២០១៧ នៅទីស្ដីការក្រសួង។

ថ្ងៃទី០៩ ខែមករា ឆ្នាំ២០១៧ ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអញ្ជើញចុះសួរសុខទុក្ខមន្ត្រីរាជការ និងពិនិត្យសំណង់អគាររដ្ឋបាលមន្ទីរ ប.ទខេត្តស្ទឹងត្រែងថ្មីដែលកំពុងសាងសង់បានប្រហែល ៥០% ស្ថិតនៅក្រុងស្ទឹងត្រែង ខេត្តស្ទឹងត្រែង។

ព្រឹកថ្ងៃទី០៩ ខែមករា ឆ្នាំ២០១៧ ឯកឧត្ដមរដ្ឋមន្រ្តី ត្រាំ អុីវតឹក និងក្រុមការងារក្រសួងប្រៃសណីយ៍ និងទូរគមនាគមន៍ បានអញ្ជើញចុះជួបសំណេះសំណាលជាមួយមន្ត្រីរាជការរបស់មន្ទីរ ប.ទ និងនិយោជិតនៃសាខាប្រៃសណីយ៍កម្ពុជា ខេត្តរតនគិរីជាបន្តទៀត ដើម្បីស្វែងយល់ថែមពីការងាររបស់មន្ទីរប្រៃសណីយ៍ និងទូរគមនាគមន៍ ទាំងការលំបាក ការងាយស្រួល និងកត្តារារាំងទាំងឡាយ។

ព្រឹកថ្ងៃទី០៨ ខែមករា ឆ្នាំ២០១៦ ឯកឧត្ដមរដ្ឋមន្ត្រី ត្រាំ អុីវតឹក បានអញ្ជើញដឹកនាំប្រតិភូក្រសួងប្រៃសណីយ៍ និងទូរគមនាគមន៍ ចុះសួរសុខទុក្ខមន្ត្រីរាជការ និងពិនិត្យទីតាំងដើម្បីសាងសង់អគាររដ្ឋបាលមន្ទីរ ប.ទ ថ្មីខេត្តមណ្ឌលគិរី នៅឆ្នាំ២០១៧

ឯកឧត្ដម កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំកិច្ចប្រជុំអន្តរក្រសួងដើម្បីពិនិត្យលើចំនុចអាទិភាពលើគម្រោងបង្កើតមជ្ឈមណ្ឌលសហប្រតិបត្តិការព័ត៌មានលំហអាកាសក្នុងតំបន់ទន្លេមេគង្គ នារសៀលថ្ងៃទី០៤ ខែមករា ឆ្នាំ២០១៧ នៅទីស្ដីការក្រសួង។

ព្រឹកថ្ងៃទី៣០ ខែធ្នូ ឆ្នាំ២០១៦ ឯកឧត្ដម ខាយ ឃុនហេង រដ្ឋលេខាធិការ និងជាប្រធានគណៈកម្មាធិការប្រយុទ្ធនឹងជំងឺអេដស៏ក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំកិច្ចប្រជុំពិភាក្សាការងាររបស់គណៈកម្មាធិការប្រយុទ្ធនឹងជំងឺអេដស៏ក្រសួងប្រៃសណីយ៍ និងទូរគមនាគមន៍ ដើម្បីពិនិត្យបូកសរុបរបាយការណ៍លទ្ធផលសកម្មភាពការងារឆ្នាំ២០១៦ និងរៀបចំគម្រោងផែនការសកម្មភាពការងារឆ្នាំ២០១៧។

ព្រឹកថ្ងៃទី២៦ ខែធ្នូ ឆ្នាំ២០១៦ ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ អញ្ជើញដឹកនាំកិច្ចប្រជុំស្ដីពីការប្រកាសជាផ្លូវការដំណើរការមជ្ឍមណ្ឌលគ្រប់គ្រងទិន្នន័យ (DMC) និងបញ្ហាសេវា Transit របស់ទូរគមនាគមន៍កម្ពុជា

ថ្ងៃទី២១ ខែធ្នូ ឆ្នាំ២០១៦ ទីស្តីការគណៈរដ្ឋមន្រ្តី ឯកឧត្តម ត្រាំ អុីវតឹក រដ្ឋមន្រ្តីក្រសួងប្រៃសណីយ៍ និងទូរគមនាគមន៍ ក្នុងពិធីបិទវគ្គបណ្តុះបណ្តាលបច្ចេកវិទ្យា គមនាគមន៍  និងព័ត៌មាន (ICT) ដល់ស្រ្តី ក្រោមប្រធានបទ “វ៉ាយហ្វាយសម្រាប់ទាំងអស់គ្នា ទាំងអស់គ្នាដើម្បីវ៉ាយហ្វាយ” ក្រោមអធិបតីភាព ឯកឧត្តមឧបនាយករដ្ឋមន្រ្តី យឹម ឆៃលី ប្រធានក្រុមប្រឹក្សាស្តារ​អភិវឌ្ឍន៍វិស័យ កសិកម្ម និង​ជនបទ។