ព័ត៌មាន

ល្ងាចថ្ងៃទី២៨ ខែកញ្ញា ឆ្នាំ២០១៦ ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និង ឯកឧត្តម Jean-Claude Poimboeuf ឯកអគ្គរដ្ឋទូតសាធារណរដ្ឋបារាំងប្រចាំព្រះរាជាណាចក្រកម្ពុជា អញ្ជើញជាអធិបតីក្នុងសិក្ខាសាលា  Wednesday French Tech នៅទីស្តីការក្រសួងប្រៃសណីយ៍ និងទូរគមនាគមន៍។ សិក្ខាសាលា នេះរៀបចំដោយវិទ្យាស្ថានជាតិប្រៃសណីយ៍ ទូរគម​នា​គមន៍ និង បច្ចេកវិទ្យាគមនាគមន៍និងព័ត៌មាន  ដែលមានការអញ្ជើញចូលរួមពីសំណាក់ថ្នាក់ដឹកនាំក្រសួង ប.ទ ព្រមទាំងបណ្ដាក្រុមហ៊ុនបច្ចេកវិទ្យាបារាំងប្រមាណ ៣០ក្រុមហ៊ុនផងដែរ។

ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ អនុញ្ញាតឲ្យសមាគមនាវាយុវជនអាសុីអាគ្នេយ៍កម្ពុជាចូលជួបសម្តែងការគួរសម និងផ្ដល់អនុសាសន៍ពាន់ព័ន្ធនឹងការអភិវឌ្ឍលើវិស័យប្រៃសណីយ៍ ទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន នារសៀលថ្ងៃទី២៨ ខែកញ្ញា ឆ្នាំ២០១៦ នៅទីស្ដីការក្រសួងប្រៃសណីយ៍ និងទូរគមនាគមន៍។

ឯកឧត្ដមរដ្ឋមន្ត្រី ត្រាំ អុីវតឹក អញ្ជើញដឹកនាំកិច្ចប្រជុំផ្សព្វផ្សាយស្ដីពីសភាពការណ៍សន្តិសុខទូទៅ និងអនុវត្តភារកិច្ចបន្ត នារសៀលថ្ងៃទី២៧ ខែកញ្ញា ឆ្នាំ២០១៦ នៅទីស្ដីការក្រសួងប្រៃសណីយ៍ និងទូរគមនាគមន៍

ឯកឧត្ដម កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍ អញ្ជើញជាអធិបតីបើកសិក្ខាសាលាស្ដីពី “អនាគតនៃប្រព័ន្ធឌីជីថល និងកិច្ចសហប្រតិបត្តិការអន្តរជាតិ” នាព្រឹកថ្ងៃទី២៦ ខែកញ្ញា ឆ្នាំ២០១៦ នៅទីស្ដីការក្រសួងប្រៃសណីយ៍ និងទូរគមនាគមន៍

ឯក​ឧត្ដម​រដ្ឋមន្ត្រី ត្រាំ អុីវតឹក រដ្ឋមន្ត្រី​ក្រសួងប្រៃសណីយ៍ និង​ទូរគមនាគមន៍ និង​ឯកឧត្ដម Truong Minh Tuan រដ្ឋមន្ត្រី​ក្រសួងព័ត៌មាន និងគមនាគមន៍វៀតណាម បានអញ្ជើញ​ជា​អធិបតី​ក្នុង​ពិធី​ចុះ​ហត្ថលេខា​ឯកសារ​កិច្ចសហ​ប្រតិបត្តិការ​រវាង​ក្រសួងប្រៃសណីយ៍ និង​ទូរគមនាគមន៍ នៃព្រះរាជាណាចក្រកម្ពុជា និង ក្រសួងព័ត៌មាន និងគមនាគមន៍ នៃសាធារណរដ្ឋ​សង្គម​និយម​វៀតណាម នាព្រឹកថ្ងៃទី២២ ខែកញ្ញា ឆ្នាំ២០១៦ នៅទីស្តីការក្រសួងក្រសួងប្រៃសណីយ៍ និងទូរគមនាគមន៍ ។

រសៀលថ្ងៃទី២១ ខែកញ្ញា ឆ្នាំ២០១៦ ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអនុញ្ញាតឱ្យប្រតិភូក្រុមហ៊ុន ​ZTE HK (CAMBODIA) CO.,LTD ចូលជួបសម្តែងការគួរសម និងពិភាក្សាការងារ នៅទីស្ដីការក្រសួងប្រៃសណីយ៍ និងទូរគមនាគមន៍។

ឯកឧត្តមរដ្ឋមន្ត្រី ត្រាំ អុីវតឹក អញ្ជើញដឹកនាំកិច្ចប្រជុំពិភាក្សាលើការរៀបចំទទួលដំណើរបដិសណ្ឋារកិច្ចរបស់ឯកឧត្ដមរដ្ឋមន្ត្រីក្រសួងព័ត៌មាន និងទូរគមនាគមន៍ វៀតណាម នាល្ងាចថ្ងៃទី១៩ ខែ កញ្ញា ឆ្នាំ២០១៦

ឯកឧត្ដមរដ្ឋមន្ត្រី ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ អញ្ជើញជាអធិបតីក្នុងពិធីបើកសិក្ខាសាលា ស្ដីពីការអភិវឌ្ឍ   អុិនធឺណែតល្បឿនលឿននិងកាតព្វកិច្ចសេវាសកលនៅកម្ពុជា ក្រោមប្រធានបទ “ដំណើរឆ្ពោះទៅកម្ពុជាប្រកបដោយសន្តិភាព” នាព្រឹកថ្ងៃទី២១ ខែកញ្ញា ឆ្នាំ២០១៦ នៅសណ្ឋាគារសូហ្វីតែលភ្នំពេញភូគីត្រា​ ភ្នំពេញ