ឯកឧត្ដមរដ្ឋមន្ត្រី ត្រាំ អុីវតឹក រៀបចំពិធីសូត្រមន្តបុណ្យកឋិនទានដើម្បីដង្ហែរទៅកាន់វត្តពោធិវន្តរង្សី និងវត្តជ្រលងមេត្រី
ល្ងាចថ្ងៃទី០៤ ខែវិច្ឆិកា ឆ្នាំ២០១៦ ឯកឧត្ដមរដ្ឋមន្ត្រី ត្រាំ អុីវតឹក និងលោកជំទាវ រួមជាមួយថ្នាក់ដឹកនាំ និងមន្ត្រីរាជការនៃក្រសួងប្រៃសណីយ៍ និងទូរគមនាគមន៍ និងក្រុមការងារចុះជួយស្រុកទឹកផុស និងស្រុកកំពង់លែង ខេត្តកំពង់ឆ្នាំង បានមូលមតិគ្នារៀបចំពិធីសូត្រមន្តបុណ្យកឋិនទាន ដង្ហែទៅវេរប្រគេនព្រះសង្ឃ ដែលគង់ចាំព្រះវស្សាអស់ត្រីមាសក្នុងពុទ្ធសីមា និងប្រមូលបច្ច័យយកទៅកសាងសមិទ្ធផលនានាក្នុងវត្តពោធិវន្តរង្សីហៅវត្តក្ដុល ស្ថិតនៅភូមិក្ដុល ឃុំក្ដុលសែនជ័យ ស្រុកទឹកផុស និងវត្តជ្រលងមេត្រី ហៅវត្តជ្រលង ស្ថិតនៅភូមិជ្រលង ឃុំដារ ស្រុកកំពង់លែង ខេត្តកំពង់ឆ្នាំង
