ព័ត៌មាន

ព្រឹកថ្ងៃទី៣០ ខែធ្នូ ឆ្នាំ២០១៦ ឯកឧត្ដម ខាយ ឃុនហេង រដ្ឋលេខាធិការ និងជាប្រធានគណៈកម្មាធិការប្រយុទ្ធនឹងជំងឺអេដស៏ក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំកិច្ចប្រជុំពិភាក្សាការងាររបស់គណៈកម្មាធិការប្រយុទ្ធនឹងជំងឺអេដស៏ក្រសួងប្រៃសណីយ៍ និងទូរគមនាគមន៍ ដើម្បីពិនិត្យបូកសរុបរបាយការណ៍លទ្ធផលសកម្មភាពការងារឆ្នាំ២០១៦ និងរៀបចំគម្រោងផែនការសកម្មភាពការងារឆ្នាំ២០១៧។

ព្រឹកថ្ងៃទី២៦ ខែធ្នូ ឆ្នាំ២០១៦ ឯកឧត្ដម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ អញ្ជើញដឹកនាំកិច្ចប្រជុំស្ដីពីការប្រកាសជាផ្លូវការដំណើរការមជ្ឍមណ្ឌលគ្រប់គ្រងទិន្នន័យ (DMC) និងបញ្ហាសេវា Transit របស់ទូរគមនាគមន៍កម្ពុជា

ថ្ងៃទី២១ ខែធ្នូ ឆ្នាំ២០១៦ ទីស្តីការគណៈរដ្ឋមន្រ្តី ឯកឧត្តម ត្រាំ អុីវតឹក រដ្ឋមន្រ្តីក្រសួងប្រៃសណីយ៍ និងទូរគមនាគមន៍ ក្នុងពិធីបិទវគ្គបណ្តុះបណ្តាលបច្ចេកវិទ្យា គមនាគមន៍  និងព័ត៌មាន (ICT) ដល់ស្រ្តី ក្រោមប្រធានបទ “វ៉ាយហ្វាយសម្រាប់ទាំងអស់គ្នា ទាំងអស់គ្នាដើម្បីវ៉ាយហ្វាយ” ក្រោមអធិបតីភាព ឯកឧត្តមឧបនាយករដ្ឋមន្រ្តី យឹម ឆៃលី ប្រធានក្រុមប្រឹក្សាស្តារ​អភិវឌ្ឍន៍វិស័យ កសិកម្ម និង​ជនបទ។

រសៀលថ្ងៃទី២១ ខែធ្នូ ឆ្នាំ២០១៦ នៅសាលប្រជុំតូច ទីស្ដីការក្រសួងប្រៃសណីយ៍ និងទូរគមនាគមន៍  ឯកឧត្ដម ឯក វណ្ណឌី រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំគណៈកម្មការទទួលបន្ទុកការងារនីតិកម្មកសាងច្បាប់ និងលិខិតបទដ្ឋានវិស័យប្រៃសណីយ៍ ប្រជុំពិភាក្សាស្ដីពីបញ្ញើហាមឃាត់ និងការកែសម្រួលលេខកូដប្រៃសណីយ៍។

រសៀលថ្ងៃទី២០ ខែធ្នូ ឆ្នាំ២០១៦ នៅទីស្ដីការក្រសួងប្រៃសណីយ៍ និងទូរគមនាគមន៍ ឯកឧត្ដម សារ៉ាក់ ខាន់ រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញដឹកនាំកិច្ចប្រជុំគណៈកម្មការទទួលបន្ទុកការងារនីតិកម្មរបស់និយ័តករទូរគមនាគមន៍កម្ពុជា ដើម្បីពិនិត្យពិភាក្សាលើសេចក្ដីព្រាងប្រកាសស្ដីពីលក្ខខ័ណ្ឌ និងនីតិវិធីនៃការផ្ដល់ការកែប្រែការព្យួរការផ្ទេរ និងដកហូតលិខិតអនុញ្ញាត្តវិញ្ញាបនបត្រ ឬអាជ្ញាបណ្ណ និងសេចក្ដីព្រាងប្រកាសរួមស្ដីពីកម្រៃអាជ្ញាបណ្ណទូរគមនាគមន៍ និងកម្រៃផ្សេងៗ។

ព្រឹកថ្ងៃទី១៩ ខែធ្នូ ឆ្នាំ២០១៦ ឯកឧត្ដម កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញជាអធិបតីដឹកនាំកិច្ចប្រជុំពិគ្រោះយោបលលើសេចក្ដីព្រាងអនុក្រឹត្យស្ដីពីការកំណត់យន្តការសម្រាប់ការអនុវត្តកម្មវិធីមូលនិធិសេវាសកលទូរគមនាគមន៍ និងសេចក្ដីព្រាងអនុក្រឹត្យស្ដីពីការកំណត់យន្តការសម្រាប់ការអនុវត្តកម្មវិធីមូលនិធិនៃការកសាងសមត្ថភាព និងការស្រាវជ្រាវ និងការអភិវឌ្ឍលើវិស័យទូរគមនាគមន៍ ដោយមានការអញ្ជើញចូលរួមពីសំណាក់ថ្នាក់ដឹកនាំ មន្ត្រីរាជការក្រសួងប្រៃសណីយ៍ និងទូរគមនាគមន៍ ព្រមទាំងក្រុមហ៊ុនប្រតិបត្តិករទូរគមនាគមន៍ និងភាគីពាក់ព័ន្ធនានាផងដែរ។

ព្រឹកថ្ងៃទី១៦ ខែធ្នូ ឆ្នាំ២០១៦ ឯកឧត្ដម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានអនុញ្ញាតឲ្យលោក Lauren Fan នាយកផ្នែកវិស័យសាធារណៈសកល របស់ក្រុមហ៊ុនHuawei ដឹកនាំប្រតិភូចូលជួបសម្តែងការគួរសម និងពិភាក្សាការងារ នៅទីស្ដីការក្រសួងប្រៃសណីយ៍ និងទូរគមនាគមន៍។

នាព្រឹកថ្ងៃទី១៥ ខែធ្នូ ឆ្នាំ២០១៦ សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូការអាគាររដ្ឋបាលទីស្តីការថ្មី របស់ក្រសួងប្រៃសណីយ៍ និងទូរគមនាគមន៍ មានទីតាំងស្ថិតនៅអគារលេខ១៣ មហាវិថីព្រះមុនីវង្ស សង្កាត់ស្រះចក ខណ្ឌដូនពេញ។

ឯកឧត្ដមរដ្ឋមន្ត្រី ត្រាំ អុីវតឹក អញ្ជើញជាអធិបតីពិធីសូត្រមន្តឡើងអគារថ្មីទីស្ដីការក្រសួងប្រៃសណីយ៍ និងទូរគមនាគមន៍

នាល្ងាចថ្ងៃទី13 ខែធ្នូ ឆ្នាំ2016 នៅសាលាភូមិន្ទរដ្ឋបាល ឯកឧត្តម ត្រាំ អុីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និង ឯកឧត្ដមកិត្តិបណ្ឌិត ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈ ចូលរួមជាអធិបតីដ៏ខ្ពង់ខ្ពស់ ក្នុងពិធីដាក់ឲ្យប្រើប្រាស់កម្មវិធីផ្តល់ព័ត៌មានសេវាសាធារណៈ